Publish Date: Sat, 08 Aug 2020 (19:51 IST)
Updated Date: Sat, 08 Aug 2020 (19:55 IST)
മൂന്നാര് പെട്ടിമുടിയിലുണ്ടായ ഉരുള്പൊട്ടലില് മരിച്ചവരുടെ എണ്ണം 26 ആയി. ഇന്നു നാലു മണിയോടെ 9 മൃതദേഹങ്ങള് മണ്ണിനടിയില് നിന്നു കണ്ടെടുത്തു. ഉച്ചവരെ സാമാന്യം തെളിഞ്ഞ കാലാവസ്ഥയായിരുന്നുവെങ്കിലും ഉച്ചയ്ക്കുശേഷം തിരച്ചില് പ്രവര്ത്തനങ്ങളെ തടസപ്പെടുത്തുന്ന തരത്തില് ശക്തമായ മഴയുണ്ടായി.
വെള്ളിയാഴ്ച കണ്ടെടുത്ത 17 മൃതദേഹങ്ങള് രാജമല ആശുപത്രിയില് പോസ്റ്റുമോര്ട്ടത്തിനു ശേഷം അടുത്തുള്ള കായിക മൈതാനത്തോട് ചേര്ന്ന ഭാഗത്ത് കൂട്ട സംസ്കാരം നടത്തി. ജെ സി ബി ഉപയോഗിച്ച് തയാറാക്കിയ കുഴികളില് 12, 5 വീതം മൃതദേഹങ്ങള് ബന്ധുക്കളുടെയും നാട്ടുകാരുടെയും അന്ത്യോപചാരങ്ങള്ക്കു ശേഷം സംസ്കരിക്കുകയായിരുന്നു.
