റാപ്പര്‍ വേടന്റെ സംഗീത പരിപാടി റദ്ദാക്കിയതിനെ തുടര്‍ന്ന് കാണികള്‍ അതിരുവിട്ട് പ്രതിഷേധിച്ച സംഭവത്തില്‍ ഒരാള്‍ അറസ്റ്റില്‍. ആറ്റിങ്ങല്‍ ഇളമ്പ സ്വദേശി അരവിന്ദിനെയാണ് നഗരൂര്‍ പോലീസാണ് അറസ്റ്റ് ചെയ്തത്. എല്‍ഇഡി വോള്‍ സ്ഥാപിക്കുന്നതിന്റെ വൈദ്യുതാഘാതമേറ്റ് ടെക്‌നീഷന്‍ മരിച്ചതിനെ തുടര്‍ന്നായിരുന്നു വേടന്‍ തിരുവനന്തപുരം വെള്ളല്ലൂര്‍ ഊന്നന്‍കല്ലില്‍ നടത്താനിരുന്ന സംഗീത പരിപാടി റദ്ദാക്കിയത്.
ഇതിന് പിന്നാലെ പരിപാടി കാണാനെത്തിയവര്‍ ഇതിനെതിരെ പ്രതിഷേധിക്കുകയും സംഘര്‍ഷം ഉണ്ടാക്കുകയുമായിരുന്നു. കാണികള്‍ക്കും പോലീസിനും നേരെ ഒരു സംഘം ചെളി വാരിയെറിഞ്ഞതാണ് സംഘര്‍ഷം രൂക്ഷമാക്കിയത്.
