മഞ്ഞ, പിങ്ക് റേഷന്‍ കാര്‍ഡുകളില്‍ (AAY, PHH) ഉള്‍പ്പെട്ട റേഷന്‍ ഗുണഭോക്താക്കളുടെ ഇ- കെ.വൈ.സി പൂര്‍ത്തീകരിക്കുന്നതിനായി കേന്ദ്രം അനുവദിച്ച സമയപരിധി മാര്‍ച്ച് 31ന് അവസാനിക്കും. ഇ- കെവൈസി പൂര്‍ത്തിയാക്കാത്തവരുടെ റേഷന്‍ വിഹിതം നഷ്ടപ്പെടാന്‍ സാധ്യതയുള്ളതിനാല്‍ ഇനിയും പൂര്‍ത്തിയാക്കാനുള്ളവര്‍ റേഷന്‍കടകള്‍/ താലൂക്ക് സപ്ലൈ ഓഫീസുകള്‍ മുഖാന്തിരം നടപടിക്രമങ്ങള്‍ പൂര്‍ത്തീകരിക്കണമെന്ന് പൊതുവിതരണ ഉപഭോക്തൃകാര്യ കമ്മീഷണര്‍ അറിയിച്ചു.
സംസ്ഥാനത്ത് റേഷന്‍ കാര്‍ഡ് ഉടമകള്‍ ഇ - കെവൈസി നടപടികള്‍ വേഗത്തില്‍ പൂര്‍ത്തിയാക്കിയിരുന്നു. ഭൂരിഭാഗമാളുകളും കെവൈസി പൂര്‍ത്തിയാക്കി. കെവൈസി നടപടികള്‍ക്കായി പ്രത്യേക ദിവസങ്ങള്‍ ക്രമീകരിച്ച് നല്‍കിയിരുന്നു.
