കുളിമുറിയില്‍ സ്ത്രീ സുരക്ഷിതയാണോയെന്നറിയാന്‍ ഒരു ക്യാമറ വെയ്ക്കുന്നതില്‍ തൊറ്റുണ്ടോ ചേട്ടാ

കുളിമുറിയില്‍ എത്തിനോക്കി മൊബൈലില്‍ ദൃശ്യങ്ങള്‍ പകര്‍ത്തുന്ന സംഘിയ്ക്ക് ട്രോള്‍

സ്ത്രീകളുടെ നഗ്ന ദൃശ്യങ്ങള്‍ പകര്‍ത്തുന്നത് പതിവാക്കിയ ആര്‍എസ്എസ് നേതാവ് പിടിയിലായ വാര്‍ത്ത നവമാധ്യമങ്ങളിലൂടെ പുറത്ത് വന്നിരുന്നു. പത്തനംതിട്ട സ്വദേശിയായ മിഥുന്‍രാജി (28)നെയാണ് പൂജപ്പുര എസ്‌ഐ എവി സൈജുവും സംഘവും തിരുവനന്തപുരം പാങ്ങോട് നിന്ന് അറസ്റ്റ് ചെയ്തത്.

ഇയാളില്‍നിന്നു ലഭിച്ച രണ്ടു മൊബൈല്‍ ഫോണുകളില്‍നിന്നായി നിരവധി നഗ്നദൃശ്യങ്ങളും പൊലീസ് കണ്ടെടുക്കുകയും ചെയ്തിരുന്നു.  ശനിയാഴ്ച രാത്രിയില്‍ നഗ്‌നദൃശ്യം പകര്‍ത്താന്‍ ശ്രമിക്കുന്നതിനിടെയാണ് ഇയാള്‍ പിടിയിലായത്. വീട്ടമ്മ കുളിക്കാന്‍ കയറിയെന്ന് കരുതി വെന്റിലേറ്റര്‍ വഴി മൊബൈല്‍ഫോണിലൂടെ ദൃശ്യം പിടിക്കാന്‍ ശ്രമിക്കുകയായിരുന്നു മിഥുന്‍രാജ്. 

സംഭവം ശ്രദ്ധയില്‍പ്പെട്ട ഗൃഹനാഥന്‍ മിഥുന്‍രാജിനെ പിടികൂടാന്‍ ശ്രമിച്ചെങ്കിലും പിടിത്തം വിടുവിച്ച മിഥുന്‍രാജ് ഫോണ്‍ ഉപേക്ഷിച്ച് ഓടി രക്ഷപ്പെടുകയായിരുന്നു. എന്നാല്‍ ഇതൊക്കെ കണ്ട് സോഷ്യല്‍ മീഡിയ വെറുതേ ഇരിക്കുമോ?. കുളിമുറിയില്‍ എത്തിനോക്കി മൊബൈലില്‍ ദൃശ്യങ്ങള്‍ പകര്‍ത്തുന്ന സംഘിയ്ക്ക് ട്രോളുകളുടെ പൊടിപൂരം.