ആർഎസ്എസ് പ്രവർത്തകന്റെ കൊലപാതകം: മുഖ്യപ്രതി പിടിയിൽ

ആ​ർഎ​സ്എ​സ് രാ​മ​ന്ത​ളി മ​ണ്ഡ​ൽ കാ​ര്യ​വാ​ഹ​ക് ചൂ​ര​ക്കാ​ട്ട് ബി​ജു കൊ​ല്ല​പ്പെ​ട്ട സം​ഭ​വ​ത്തി​ൽ രണ്ടു പേർ കൂടി പൊലീസ്​ പിടിയിൽ. മുഖ്യപ്രതി റെനീഷും വിപിനുമാണ് പിടിയിലായത്​. രാമന്തളിയിൽ ഞായറാഴ്ച രാത്രി പൊലീസ് നടത്തിയ പരിശോധനയിലാണ് ഇരുവരെയും പിടികൂടിയത്. ഇതോടെ പൊലീസ്​ പിടിയിലാകുന്നവരുടെ എണ്ണം അഞ്ചായി.

കൊലപാതകവുമായി ബന്ധപ്പെട്ട് പ്രതികൾ സഞ്ചരിച്ച ഇന്നോവ കാർ നേരത്തെ പിടിച്ചെടുത്തിരുന്നു. രാമന്തളി സ്വദേശിയുടെ കാറാണ് കണ്ടെടുത്തത്. ഉടമയെയും ഡ്രൈവറെയും കസ്റ്റഡിയിലെടുക്കുകയും ചെയ്‌തിരുന്നു.

കാർ കൊല്ലപ്പെട്ട ബിജു സഞ്ചരിച്ചിരുന്ന ബൈക്കിൽ ഇടിച്ചതായി ഫോറൻസിക് പരിശോധനയിൽ തെളിഞ്ഞു. ബൈ​ക്കി​ൽ കാ​റി​ടി​പ്പി​ച്ച​ശേ​ഷം റോ​ഡ​രി​കി​ൽ വീ​ണ ബി​ജു​വി​നെ ര​ണ്ടു​പേ​ർ ചേ​ർ​ന്നാ​ണ് വെ​ട്ടി​യ​ത്. അ​ക്ര​മി​ക​ൾ സ​ഞ്ച​രി​ച്ച പ്ര​ദേ​ശ​ങ്ങ​ളി​ലെ ചി​ല സ്ഥാ​പ​ന​ങ്ങ​ളി​ൽ സ്ഥാ​പി​ച്ച സിസിടിവി കാ​മ​റ​ക​ളി​ൽ കാ​റി​​​​​​​ന്റെ ദൃ​ശ്യം പ​തി​ഞ്ഞിരുന്നു.