ശബരിമല വിഷയത്തിൽ ഇപ്പോഴുള്ള പ്രശ്നങ്ങൾ പരിഹരിക്കപ്പെടുമെന്ന് ദേവസ്വം ബോർഡ് പ്രസിഡന്റ് എ പദ്മകുമാർ. ഇക്കാര്യത്തിൽ 150 ശതമാനം ഉറപ്പുണ്ടെന്നും അദ്ദേഹം പറഞ്ഞു. ഇന്ന് നട തുറക്കുന്ന പശ്ചാത്തലത്തിൽ പ്രതിഷേധങ്ങളെക്കുറിച്ച് സംസാരിക്കുകയായിരുന്നു എ പദ്മകുമാർ
രാഷ്ട്രീയമോ മറ്റ് താൽ‌പര്യങ്ങളോ ബോർഡിനില്ല. പന്തളം രാജകുടുംബത്തെയും തന്ത്രികുടുംബത്തെയും പൂർണമായും വിശ്വാസത്തിലെടുത്ത് കാര്യങ്ങൾ പരിഹരിക്കും. ചർച്ചക്ക് വിളിച്ചപ്പോൾതന്നെ വന്നിരുന്നെങ്കിൽ കൂടുതൽ സമയം ലഭിക്കുമായിരുന്നു. 19ന് നടക്കുന്ന യോഗം വരെ ക്ഷമിക്കാം എന്ന് എ പദ്മകുമാർ വ്യക്തമാക്കി.
