Publish Date: Thu, 11 Jun 2020 (13:27 IST)
Updated Date: Thu, 11 Jun 2020 (13:30 IST)
ശബരിമലയില് ഭക്തരെ പ്രവേശിപ്പിക്കേണ്ടതില്ലെന്ന തീരുമാനം സര്ക്കാര് അംഗീകരിച്ചു. ഇതുസംബന്ധിച്ച് ദേവസ്വം ബോര്ഡ് പ്രസിഡന്റ് എന് വാസുവും ശബരിമല തന്ത്രി കണ്ഠരര് മഹേഷ് മോഹനരും ദേവസ്വം മന്ത്രി കടകംപള്ളി സുരേന്ദ്രനുമായി നടത്തിയ ചര്ച്ചയിലാണ് തീരുമാനമായത്.
കൊവിഡ് ഭീതി നിലനില്ക്കുന്ന സാഹചര്യത്തില് മാസപൂജയ്ക്ക് ഭക്തരെ പ്രവേശിപ്പിക്കേണ്ടെന്ന നിലപാട് തന്ത്രി സര്ക്കാരിനെ അറിയിച്ചിരുന്നു. തീര്ത്ഥാടകരെ അനുവദിക്കരുതെന്നാവശ്യപ്പെട്ട് തന്ത്രി കഴിഞ്ഞ ദിവസം തിരുവിതാംകൂര് ദേവസ്വം ബോര്ഡിന് കത്ത് നല്കിയിരുന്നു. ഈമാസം 14-ാം തിയതിയാണ് ശബരിമല ക്ഷേത്രം തുറക്കുന്നത്.
