സാഹിത്യ അക്കാദമി പുരസ്‌കാരങ്ങൾ പ്രഖ്യാപിച്ചു, പി എഫ് മാത്യൂസിന്റെ അടിയാള പ്രേതം മികച്ച നോവ‌ൽ, ഉണ്ണി ആറിനും പ്രിയ എഎസിനും പുരസ്‌കാരം

2020ലെ കേരള സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു. പിഎഫ് മാത്യൂസിന്റെ അടിയാളപ്രേതമാണ് മികച്ച നോവൽ.ഉണ്ണി ആറിന്റെ വാങ്ക് എന്ന കൃതിക്ക് മികച്ച ചെറുകഥയ്ക്കുള്ള പുരസ്കാരം ലഭിച്ചു. മികച്ച കവിതയ്ക്കുള്ള പുരസ്‌കാരം ഒ.പി സുരേഷിന്റെ താ‌‌ജ്‌മഹലിനാണ്.

സേതു , പെരുമ്പടവം ശ്രീധരൻ എന്നിവർക്ക് വിശിഷ്ടാംഗത്വം ലഭിച്ചു. അമ്പതിനായിരം രൂപയും രണ്ടുപവന്റെ സ്വർണപ്പതക്കവും പ്രശസ്തി പത്രവും ഫലകവുമാണ് പുരസ്‌കാരം.

മറ്റ് പുരസ്‌കാരങ്ങൾ ഇങ്ങനെ 

ജീവചരിത്രം കെ രഘുനാഥൻ

യാത്രാവിവരണം വിധുവിൻസെന്റ്

വിവർത്തനം- അനിത തമ്പി,സംഗീത ശ്രീനിവാസൻ

നാടകം- ശ്രീജിത്ത് പൊയിൽക്കാവ്

സാഹിത്യവിമർശനം- പി സോമൻ

 ബാലസാഹിത്യം- പ്രിയ എഎസ്

 വൈജ്ഞാനികസാഹിത്യം- ഡോ. ടികെ ആനന്ദി, 

ഹാസ്യസാഹിത്യം- ഇന്നസെന്റ്.

കെകെ കൊച്ച്, മാമ്പുഴ കുമാരൻ

കെആർ മല്ലിക, സിദ്ധാർഥൻ പരുത്തിക്കാട്

 ചവറ കെഎസ് പിള്ള, എംഎ റഹ്മാൻ എന്നിവർക്കാണ് സമഗ്രസംഭാവനയ്ക്കുള്ള പുരസ്‌കാരം.