ശാന്തൻപാറ റിസോർട്ട് കൊലപാതകം; ‘പ്രതി ഞാനാണ്, ഞാൻ തന്നെയാണ്’- കുറ്റം സമ്മതിച്ച് വസീമിന്റെ വീഡിയോ

നീലിമ ലക്ഷ്മി മോഹൻ

വ്യാഴം, 7 നവം‌ബര്‍ 2019 (19:08 IST)
രാജകുമാരിക്ക് സമീപം ശാന്തന്‍പാറയിൽ യുവാവിനെ കൊന്ന് കുഴിച്ച് മൂടിയ സംഭവത്തിൽ കുറ്റം ഏറ്റുപറഞ്ഞ് പ്രതിയുടെ വീഡിയോ. കൊല്ലപ്പെട്ട റിജോഷിനെ കൊന്നത് താനാണെന്ന് റിസോര്‍ട്ട് മാനേജര്‍ തൃശൂര്‍ സ്വദേശിയായ വസീമാണ് വീഡിയോയിൽ പറയുന്നത്.  
 
കൊന്നത് താനാണെന്നും കൊലയില്‍ മറ്റാര്‍ക്കും പങ്കില്ലെന്നും വസീം ഏറ്റുപറയുന്ന വീഡിയോയാണ് പുറത്തുവന്നിരിക്കുന്നത്. ഇത് സഹോദരന്‍ പൊലീസിന് കൈമാറി. ഒരാഴ്ച മുമ്പ് കാണാതായ റിജോഷിന്റെ മൃതദേഹം പുത്തടിക്ക് സമീപത്തെ മഷ്റൂം ഹട്ട് റിസോര്‍ട്ടിന്റെ സമീപത്താണ് കുഴിച്ചിട്ട നിലയില്‍ കണ്ടെത്തിയത്.
 
റിജോഷിനെ ഭാര്യയും റിസോര്‍ട്ട് മാനേജരും ചേര്‍ന്ന് കൊലപ്പെടുത്തിയെന്ന സംശയം നേരത്തെ ഉയര്‍ന്നിരുന്നു. സംഭവ ശേഷം റിജോഷിന്റെ ഭാര്യ ലിജിയെയും വസീമിനെയും കാണാനില്ലായിരുന്നു.
 
അതേസമയം, ഇരുവരെയും കണ്ടെത്താന്‍ പൊലിസ് അന്വേഷണം ഊര്‍ജ്ജിതമാക്കി. റിജോഷിന്റെ വീട്ടുകാര്‍ ശാന്തന്‍പാറ പൊലീസില്‍ നല്‍കിയ പരാതിയെ തുടര്‍ന്ന് നടത്തിയ അന്വേഷണത്തിലാണ് മൃതദേഹം കുഴിച്ചിട്ട നിലയില്‍ കണ്ടെത്തിയത്.

വെബ്ദുനിയ വായിക്കുക

അടുത്ത ലേഖനം "നമ്മുടെ ലോകത്തെ രൂപപ്പെടുത്തിയ നൂറ് നോവലുകൾ"; ബി ബി സി പട്ടികയിൽ ഇടം നേടി അരുന്ധതി റോയ്,ആർ‌കെ നാരായണൻ,സൽമാൻ റുഷ്ദി എന്നിവരുടെ പുസ്തകങ്ങൾ