മന്നം ജയന്തി ദിനത്തിൽ കേരളത്തിലെ കോൺഗ്രസിനെതിരെ ഒളിയമ്പുമായി കോൺഗ്രസ് നേതാവ് ശശി തരൂർ എംപി. ഒരു നായർക്ക് മറ്റൊരു നായരെ അംഗീകരിക്കാൻ പറ്റില്ലെന്ന് മന്നം പറഞ്ഞിട്ടുണ്ടെന്നും ഇന്ന് രാഷ്ട്രീയത്തിൽ അക്കാര്യം താൻ മനസിലാക്കുന്നുണ്ടെന്നും തരൂർ പറഞ്ഞു.
കെ സി വേണുഗോപാൽ,രമേശ് ചെന്നിത്തല,വിഡി സതീശൻ അടക്കമുള്ള മുതിർന്ന കോൺഗ്രസ് നേതാക്കൾക്കെതിരെയുള്ള ഒളിയമ്പായാണ് തരൂരിൻ്റെ പ്രസ്താവന വിലയിരുത്തപ്പെടൂന്നത്. മന്നം ജയന്തി പൊതുസമ്മേളനം ഉദ്ഘാടനവേദിയിലായിരുന്നു തരൂരിൻ്റെ പരാമർശം. ചടങ്ങിൽ സംസാരിക്കവെ എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍ തരൂരിനെ പുകഴ്ത്തുകയും ചെയ്തു. ഡൽഹി നായരെന്ന് മുൻപ് തരൂരിനെ വിളിച്ചത് തിരുത്താനായാണ് അദ്ദേഹത്തെ ചടങ്ങിൽ ക്ഷണിച്ചതെന്ന് സുകുമാരൻ നായർ പറഞ്ഞു.
