തദ്ദേശ സ്വയംഭരണ സ്ഥാപനങ്ങളിലേക്കുള്ള രണ്ടാം ഘട്ട പോളിങ് ആരംഭിച്ചു. കോട്ടയം,തൃശൂർ,പാലക്കാട്,എറണാകുളം,വയനാട് ജില്ലകളിലെ വോട്ടർമാരാണ് ഇന്ന് തങ്ങളുടെ സമ്മതിദാന അവകാശം രേഖപ്പെടുത്തുന്നത്.
രണ്ടാം ഘട്ടത്തില്‍ തൃശൂരിലെ വടക്കാഞ്ചേരിയില്‍ മന്ത്രി എ.സി മൊയ്തീന്‍ ആദ്യ വോട്ടറായി വോട്ട് രേഖപ്പെടുത്തി. രാവിലെ ആറര മുതൽ തന്നെ പോളിങ് ബൂത്തുകളിൽ തിരക്കുണ്ട്. കൊവിഡിന്റെ പശ്ചാത്തലത്തിൽ കടുത്ത നിയന്ത്രണങ്ങളോടെയാണ് ഇക്കുറി പോളിങ് നടക്കുന്നത്. ബുധനാഴ്‌ച്ച ഉച്ചകഴിഞ്ഞു മൂന്നിന് ശേഷം കൊവിഡ് സ്ഥിരീകരിക്കുകയോ ക്വാറന്റൈനിലാകുകയോ ചെയ്‌തവർക്ക് ഇന്ന് വൈകീട്ട് ആറ് മണിക്കുള്ളിൽ പിപിഇ കിറ്റ് ധരിച്ച് വോട്ട് രേഖപ്പെടുത്താം.
