കനത്ത മഴയെ തുടര്‍ന്ന് സംസ്ഥാനത്ത് ഏഴ് ദേശീയ ദുരന്ത നിവാരണ സേനാ സംഘങ്ങളെ വിന്യസിച്ചു. തൃശൂരില്‍ രണ്ടുസംഘങ്ങളെ വിന്യസിച്ചിട്ടുണ്ട്. ഇടുക്കി, വയനാട്, എറണാകുളം, മലപ്പുറം, കോഴിക്കോട് ജില്ലകളില്‍ ഓരോ സംഘങ്ങളെയും വിന്യസിച്ചിട്ടുണ്ട്. തിരുവനന്തപുരം, കൊല്ലം ഒഴികെയുള്ള 12 ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിരിക്കുകയാണ്. തിരുവനന്തപുരത്തും കൊല്ലത്തും യെല്ലോ അലര്‍ട്ടാണ്. ചക്രവാതച്ചുഴിയാണ് സംസ്ഥാനത്തെ കനത്ത മഴയ്ക്ക് കാരണം.
