സുഡാനി ഫ്രം നൈജീരിയ ചിത്രത്തിന്റെ നിർമ്മാതാക്കളിൽ നിന്നും തനിക്ക് വംശീയമായ വിവേചനം നേരിടേണ്ടി വന്നെന്നുള്ള നടൻ സാമുവൽ അബിലോ റോബിൻസണിന്റെ ഫേസ്ബുക്ക് പോസ്റ്റ് കേരളത്തിലെ പൊതു സമൂഹത്തെ ഞെട്ടിച്ചിരിക്കുകയണെന്ന് സിനിമ പ്രേക്ഷക കൂട്ടായ്മ സംസ്ഥാന കൺവീനർ സലിം പി ചാക്കോ.
ലോ ബഡ്ജറ്റ് ചിത്രമാണെന്നറിഞ്ഞ് തന്നെയാണ് സാമുവല്‍ സിനിമയിൽ അഭിനയിച്ചതെന്നു പറയുന്നു. മാദ്ധ്യമങ്ങൾക്ക് വേണ്ടി പ്രത്യേകം തയ്യാറാക്കിയ വീഡിയോയിലാണ് അദ്ദേഹത്തിന്റെ പ്രതികരണം.
വംശീയ ആക്രമണങ്ങളാൽ അഭയാർത്ഥികളാക്കപ്പെട്ടവരുടെ നൊമ്പരങ്ങൾ തുറന്ന് കാട്ടിയ സിനിമയുടെ അണിയറക്കാരുടെ ഭാഗത്ത് നിന്ന് ഇങ്ങനെ സംഭവിക്കാൻ പാടില്ലായിരുന്നു. കറുത്ത വർഗ്ഗകാരനായ മറ്റൊരു നടനും ഈ അവസ്ഥ ഉണ്ടാകരുതെന്ന് പറയുമ്പോൾ ഇതിന്റെ പിന്നിൽ നടന്നത് ഊഹിക്കാൻ കഴിയും. താൻ കേരളത്തിലുള്ളവരൊക്കെ വംശീയ വിവേചനം കാണിക്കുന്നവരാണെന്ന് കരുതുന്നില്ലെന്നും ഫേസ്ബുക്ക് പോസ്റ്റിൽ അദ്ദേഹം പറയുന്നുണ്ട്.
കോടികൾ വാരി കൊണ്ടിരിക്കുമ്പോൾ എന്ത് കൊണ്ടാണ് സിനിമയിലെ സുഡുവിനെ അനശ്വരമാക്കിയ റോബിൻ സണിന് അർഹമായ തുക നൽകാത്തത് പ്രതിഷേധാർഹമാണ്. അടിച്ചമർത്തപ്പെട്ട വിഭാഗത്തെ പ്രതിനിധികരിക്കുന്ന നടനോട് നീതി കാട്ടാത്ത നിർമ്മാതാക്കൾക്ക് പണം നൽകണമോ എന്ന് കേരളത്തിലെ പ്രബുദ്ധരായ പ്രേക്ഷക സമൂഹം ചിന്തിക്കേണ്ടണ്ടി വരുമെന്ന് സലിം പി. ചാക്കോ പറഞ്ഞു.