പഴവങ്ങാടി ഗണപതി ക്ഷേത്രത്തില്‍ മുന്നിലെ കച്ചവടക്കാരില്‍ നിന്നു തേങ്ങ മോഷ്ടിച്ചവര്‍ പിടിയില്‍

തിരുവനന്തപുരം : തലസ്ഥാന നഗരിയിലെ ഹൃദയ ഭാഗത്തുള്ള പഴവങ്ങാടി ശ്രീമഹാഗണപതി ക്ഷേത്രത്തില്‍ മുന്നിലെ കച്ചവടക്കാരുടെ തേങ്ങ മോഷ്ടിച്ച രണ്ടംഗ സംഘം അറസ്റ്റിലായി. മുട്ടത്തറ സ്വദേശി അരവിന്ദ്, തിരുവല്ലം സ്വദേശി അരുണ്‍ എന്നിവരാണ് ഫോര്‍ട്ട് പോലീസിന്റെ പിടിയിലായത്.

കഴിഞ്ഞ രണ്ടു ദിവസം മുമ്പ് തേങ്ങാ കച്ചവടം ചെയ്യുന്ന സുബൈദ എന്ന സ്ത്രീയുടെ 8000 രൂപാ വിലവരുന്ന 4 ചാക്ക് തേങ്ങാ മോഷ്ടിച്ചിരുന്നു. ഇതുമായി ഓട്ടോയില്‍ പോയ സമയത്ത് സംശയം തോന്നിയ പോലീസ് പിന്തുടര്‍ന്നെങ്കിലും ഇടറോഡുകളിലൂടെ ഓട്ടോ ഓടിച്ചു രക്ഷപ്പെട്ടു. പരിശോധനയില്‍ ഓട്ടോയുടെ നമ്പര്‍ വ്യാജമാണെന്നു കണ്ടെത്തിയെങ്കിലും സി.സി. ടി വി ദൃശ്യങ്ങളില്‍ നിന്നു ഓട്ടോ പിന്നീട് പിടികൂടി. ഇതിനെ തുടര്‍ന്ന് പ്രതികളെയും പിടികൂടി.

കഴിഞ്ഞ ഏതാനും മാസങ്ങളായി പലപ്പോഴായി രാത്രികാലങ്ങളില്‍ കച്ചവടക്കാരുടെ തേങ്ങാ നഷ്ടപ്പെട്ടതായി പരാതി ഉയര്‍ന്നതിനെ തുടര്‍ന്നാണ് ഫോര്‍ട്ട് പോലീസ് ജാഗരൂകരായി പ്രതികളെ കൈയോടെ പൊക്കിയത്