ജയിലില്‍ വിളമ്പിയ മട്ടന്‍ കറി കുറഞ്ഞു പോയെന്ന് പറഞ്ഞ് ഡെപ്യൂട്ടി സൂപ്രണ്ടിനെയും ജീവനക്കാരെയും കയ്യേറ്റം ചെയ്ത് തടവുകാരന്‍. പൂജപ്പുര സെന്‍ട്രല്‍ ജയിലിലാണ് സംഭവം. സംഭവത്തില്‍ തടവുകാരനായ വയനാട് സ്വദേശി ഫൈജാസിനെതിരെ ജയില്‍ അധികൃതരുടെ പരാതിയില്‍ പൂജപ്പുര പോലീസ് കേസെടുത്തു. ശനിയാഴ്ച ഉച്ചയ്ക്കാണ് സംഭവം നടന്നത്.
ഊണിന് ഒപ്പം നല്‍കിയ മട്ടന്‍ കറി കുറഞ്ഞുപോയെന്നു പറഞ്ഞാണ് ഫൈജാസ് പ്രശ്‌നങ്ങള്‍ സൃഷ്ടിച്ചത്. ഭക്ഷണം വലിച്ചെറിയുകയും ഉദ്യോഗസ്ഥരെ അസഭ്യം വിളിക്കുകയും ചെയ്തു.
