മീൻപിടിത്തത്തിനിടെ വള്ളത്തിൽ നിന്നു വീണ തൊഴിലാളി മരിച്ചു

തിരുന്നന്തപുരം: മീൻപിടിത്തത്തിനിടെ വള്ളത്തിൽ നിന്നു കടലിൽ വീണ മത്സ്യ തൊഴിലാളി ചികിത്സയിലിരിക്കെ മരിച്ചു. വിഴിഞ്ഞം പിറമ്പിളാകത്ത് ജോസഫ് എന്ന 45 കാരനാണ് കഴിഞ്ഞ ദിവസം മരിച്ചത്.

കഴിഞ്ഞയാഴ്ച തൃശൂർ ചാവക്കാട് കടലിൽ മീൻപിടിത്തത്തിനിടെ വള്ളത്തിൽ നിന്നു കടലിൽ വഴുതി വീഴുകയായിരുന്നു. കൂടെയുണ്ടായിരുന്നവർ ഇയാളെ രക്ഷിച്ച് തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. എന്നാൽ ചികിത്സയിലിരിക്കെ കഴിഞ്ഞ ദിവസം ഇയാൾ മരിച്ചു. ഭാര്യ അജിത. മക്കൾ അമ്മു, അജയ്