Publish Date: Thu, 11 May 2023 (09:10 IST)
Updated Date: Thu, 11 May 2023 (09:16 IST)
ഡോക്ടര് വന്ദനാ ദാസിന്റെ കൊലപാതകി ജി. സന്ദീപിനെ പൊതുവിദ്യാഭ്യാസ വകുപ്പ് സസ്പെന്ഡ് ചെയ്തു. പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവന്കുട്ടിയുടെ നിര്ദ്ദേശപ്രകാരം വകുപ്പുതല അന്വേഷണം നടത്തിയാണ് സസ്പെന്ഷന്.നെടുമ്പന യുപി സ്കൂളിലെ അധ്യാപകനാണ് ജി.സന്ദീപ്. കൂടുതല് കര്ശനമായ തുടര്നടപടികള് ഉണ്ടാകുമെന്ന് മന്ത്രി അറിയിച്ചു.
വെളിയം ഉപജില്ലയിലെ എയ്ഡഡ് സ്കൂള് ആയ യുപിഎസ് വിലങ്ങറയില് നിന്ന് തസ്തിക നഷ്ടപ്പെട്ട് സംരക്ഷിതാധ്യാപകനായി 2021 ഡിസംബര് 14 മുതല് കുണ്ടറ ഉപജില്ലയിലെ എയ്ഡഡ് സ്കൂള് ആയ യുപിഎസ് നെടുമ്പനയില് ഹെഡ് ടീച്ചര് വേക്കന്സിയില് യു പി എസ് ടി ആയി ജോലി നോക്കുകയായിരുന്നു സന്ദീപ്.
