രണ്ടാം പരീക്ഷണ ഓട്ടത്തിൽ സമയം മെച്ചപ്പെടുത്തി വന്ദേഭാരത് എക്സ്പ്രസ്. തിരുവനന്തപുരത്ത് നിന്നും കാസർകോട്ടേക്ക് ട്രെയിൻ നീട്ടിയതിന് പിന്നാലെയാണ് വന്ദേഭാരത് വീണ്ടും പരീക്ഷണയോട്ടം നടത്തിയത്. പുലർച്ചെ 5:20ന് തിരുവനന്തപുരത്ത് നിന്നും പുറപ്പെട്ട ട്രെയിൻ 1:10ന് കാസർകോടെത്തി. 7 മണിക്കൂർ 50 മിനിട്ടാണ് യാത്രക്കായി എടുത്ത സമയം.
നേരത്തെ തിരുവനതപുരം മുതൽ കണ്ണൂർ വരെയായിരുന്നു വന്ദേഭാരത് പരീക്ഷണയോട്ടം നടത്തിയത്. തുടർന്ന് ട്രെയിൻ കാസർകോട്ടിലേക്ക് നീട്ടാത്തതിൽ ഒട്ടേറെ പരാതികൾ ഉയർന്നിരുന്നു. ഇതിന് പിന്നാലെയാണ് ട്രെയിൻ സർവീസ് കാസർകോട്ടേക്ക് നീട്ടുന്നതായി റെയിൽവേ പ്രഖ്യാപിച്ചത്.
