വിക്ടേഴ്‌സ് ചാനലില്‍ ഓണ്‍ലൈന്‍ ക്ലാസെടുത്തിരുന്ന അധ്യാപകന്‍ തോട്ടില്‍ വീണ് മരിച്ച നിലയില്‍. വിതുര യുപി സ്‌കൂളിലെ അധ്യാപകനായ ബിനു ആണ് മരിച്ചത്. ഏഴാം ക്ലാസ് വിദ്യാര്‍ഥികള്‍ക്കുവേണ്ടി ഗണിതം ക്ലാസ് എടുത്തിരുന്ന അധ്യാപകനായിരുന്നു ബിനു.
ഇദ്ദേഹത്തിന്റെ ക്ലാസ് അടുത്ത ദിവസം സംപ്രേഷണം ചെയ്യാനിരിക്കെയാണ് ദുരന്തവാര്‍ത്ത വരുന്നത്. രണ്ടുകിലോമീറ്റര്‍ അകലെയുള്ള പാലോട് ജംക്ഷന്‍ കടവില്‍ നിന്നാണ് മൃതദേഹം കണ്ടെത്തുന്നത്. വീട്ടിലേക്ക് നടന്നുപോകുമ്പോള്‍ കാല്‍ വഴുതി തോട്ടിലേക്ക് വീണുപോയിരിക്കാമെന്നാണ് കരുതുന്നത്.
