Select Your Language

Notifications

webdunia
webdunia
webdunia
webdunia

ഡീസലിൽ വെള്ളം കലർത്തി, കാറുടമയ്ക്ക് പമ്പ് ഉടമ നഷ്ടപരിഹാരമായി നൽകേണ്ടത് 3.76 ലക്ഷം രൂപ

ഡീസലിൽ വെള്ളം കലർത്തി, കാറുടമയ്ക്ക് പമ്പ് ഉടമ നഷ്ടപരിഹാരമായി നൽകേണ്ടത് 3.76 ലക്ഷം രൂപ
, വെള്ളി, 3 ജൂണ്‍ 2022 (09:04 IST)
മലപ്പുറം: ഡീസലിൽ വെള്ളം കലർന്നെന്ന പരാതിയിൽ പമ്പുടമയോട് നഷ്ടപരിഹാരം നൽകാൻ ഉത്തരവിട്ട് ഉപഭോക്‌തൃ കമ്മീഷന്റെ ഉത്തരവ്. വെസ്റ്റ് കോഡൂർ സ്വദേശി വിജേഷ്‌ കൊളത്തായി നൽകിയ പരാതിയിലാണ് കേസ്.
 
കുമരകത്തെ ജോലിസ്ഥലത്തേക്ക് പോകുന്നതിനിടെയാണ് ഇയാൾ 4500 രൂപയുടെ ഡീസൽ കാറിൽ നിറച്ചത്. കുറച്ചുദൂരം സഞ്ചരിച്ചതും കാർ പ്രവർത്തനരഹിതമായെന്നും ഡീസലിൽ വെള്ളം കലർന്നതാണ് കാരണമെന്നും പരാതിക്കാരന്‍ കമ്മിഷനെ അറിയിച്ചു. ഡീസലില്‍ മാലിന്യവും ജലാംശവും കലര്‍ന്നിരുന്നതായി ലബോറട്ടറി പരിശോധനയില്‍ കണ്ടെത്തി. തുടര്‍ന്നാണ് കമ്മീഷന്റെ അനുകൂലവിധി.
 
വാഹനം നന്നാക്കുന്നതിനായി ചിലവായ 1,57,891 രൂപയും നഷ്ടപരിഹാരമായി 2,00,000 രൂപയും കോടതിച്ചെലവായി ഈടാക്കിയ 15,000 രൂപയും ഡീസലിന്റെ വിലയായി ഈടാക്കിയ 4500 രൂപായും പമ്പുടമ പരാതിക്കാരന് നൽകണം. ഒരു മാസത്തിനകം തുക നൽകിയെല്ലെങ്കിൽ 12 ശതമാനം  ഈടാക്കും.

Share this Story:

Follow Webdunia malayalam

അടുത്ത ലേഖനം

ആദ്യ റൗണ്ടിൽ വോട്ടെണ്ണൽ അവസാനിക്കുമ്പോൾ 21 ബൂത്തുകളിലും ഉമാ തോമസ് മുന്നിൽ, 597 വോട്ടിന്റെ ലീഡ്