അണിഞ്ഞൊരുങ്ങിയ വിദ്യാര്‍ത്ഥിനിയുടെ മേല്‍ യുവാവ് ചാണകവെള്ളം ഒഴിച്ചു; കാരണം കേട്ടാല്‍ ഞെട്ടും !

പ്രേമനൈരാശ്യം; വിദ്യാര്‍ത്ഥിനിയുടെ മേല്‍ യുവാവ് ചാണകവെള്ളം ഒഴിച്ചു

ഓണഘോഷ പരിപാടിയില്‍ പങ്കെടുക്കാനായി അണിഞ്ഞൊരുങ്ങി പോകുകയായിരുന്ന കോളജ് വിദ്യാര്‍ത്ഥിനിയുടെ മേല്‍ യുവാവ് ചാണകവെള്ളം ഒഴിച്ചു. സംഭവത്തിന്ശേഷം ഓടി രക്ഷപെടാന്‍ ശ്രമിച്ച യുവാവിനെ നാട്ടുകാര്‍ പിടികൂടുകയും പൊലീസിന് കൈമാറുകയും ചെയ്തു. വൈക്കം സ്വദേശി ആഷിക് എന്നയാളെയാണ് പിടികൂടിയിരിക്കുന്നത്. 

സെറ്റുസാരി ഉടുത്ത്, മുല്ലപ്പൂ ചൂടി ഒരുങ്ങി വഴിയരികിലൂടെ നടന്നു നീങ്ങുകയായിരുന്ന വിദ്യാര്‍ത്ഥിനിയുടെ തലയിലൂടെ യുവാവ് കൈയ്യില്‍ കരുതിയിരുന്ന കുഴമ്പ് രൂപത്തിലുള്ള ചാണകം ഒഴിക്കുകയായിരുന്നു. തൃപ്പൂണിത്തുറ ഗവ.പാലസ് സ്‌കൂളിന് മുന്നില്‍ വച്ചായിരുന്നു സംഭവം. പ്രേമനൈരാശ്യമാണ് ഇത്തരമൊരു അപമാനിക്കല്‍ നടത്താന്‍ യുവാവിനെ പ്രേരിപ്പിച്ചതെന്ന് പൊലീസ് പറഞ്ഞു.