എല്‍ഡി‌എഫ് സര്‍ക്കാരിന്റെ ഒന്നാം വാര്‍ഷികാഘോഷം: സോഷ്യല്‍ മീഡിയ പ്രചരണത്തിനായി ചെലവഴിച്ചത് 42 ലക്ഷം രൂപ - റിപ്പോര്‍ട്ട് പുറത്ത്
സോഷ്യല്‍ മീഡിയ പ്രചരണത്തിന് സര്‍ക്കാര്‍ ചെലവഴിച്ചത് 42 ലക്ഷം രൂപ
എല്‍ഡി‌എഫ് സര്‍ക്കാരിന്റെ ഒന്നാം വാര്‍ഷികാഘോഷവുമായി ബന്ധപ്പെട്ടുള്ള സോഷ്യല്‍ മീഡിയ പ്രചരണത്തിന് ചെലവഴിച്ചത് 42 ലക്ഷം രൂപ. വാര്‍ഷികാഘോഷത്തിന്റെ ഭാഗമായി വ്യാപക പ്രചരണമാണ് സമൂഹ മാധ്യമങ്ങളിലൂടെ നടത്തിയിരുന്നത്. ഇതിനായി കോടി കണക്കിന് രൂപ ചെലവഴിച്ചുവെന്ന തരത്തിലുള്ള റിപ്പോര്‍ട്ടുകള്‍ വന്നിരുന്നു. ഈ റിപ്പോര്‍ട്ടുകളെ സാധൂകരിക്കുന്ന തരത്തിലാണ് ഇപ്പോള്‍ വന്ന കണക്കുകള്‍.
സിപിഐഎം കോഴിക്കോട് ജില്ലാ സെക്രട്ടറി പി മോഹനന്റെ മകന്‍ ജോലി ചെയ്യുന്ന ഗ്ലോബല്‍ ഇന്നവേറ്റീവ് ടെക്‌നോളജീസ് എന്ന കമ്പനിക്കാണ് കരാര്‍ നല്‍കിയത്. ഫേസ്ബുക്ക്, വാട്‌സ്ആപ് എന്നിവ വഴിയുള്ള പ്രചരണം നടത്തുന്നതിനാണ് നാല്‍പത്തി രണ്ട് ലക്ഷത്തി നാല്‍പത്തിയേഴായിരത്തി 812 രൂപയ്ക്കായിരുന്നു കരാര്‍ നല്‍കിയത്. ഇതില്‍ 21,4000രൂപ കമ്പനിക്ക് നല്‍കി കഴിഞ്ഞതായും റിപ്പോര്‍ട്ടുകള്‍ പറയുന്നു.
