തോമസ് ചാണ്ടിക്ക് മാത്രം പ്രത്യേക പരിഗണനയോ ? മന്ത്രിയുടെ കയ്യേറ്റത്തില്‍ സര്‍ക്കാരിന് ഹൈക്കോടതിയുടെ വിമര്‍ശനം

ഒടുവിൽ ഹൈക്കോടതിയും ചോദിച്ചു; ചാണ്ടിക്ക് പ്രത്യേക പരിഗണനയോ ‍‍?

ഗതാഗത മന്ത്രി തോമസ് ചാണ്ടിക്കെതിരെ ഉയര്‍ന്ന ഭൂമി കയ്യേറ്റ കേസില്‍  സർക്കാരിനു ഹൈക്കോടതിയുടെ രൂക്ഷ വിമർശനം. തോമസ് ചാണ്ടിക്ക് മാത്രമായി പ്രത്യേക പരിഗണനയാണോ സര്‍ക്കാര്‍ നല്‍കുന്നതെന്ന് കോടതി ചോദിച്ചു. മാത്രമല്ല ഒരു സാധാരണക്കാരന്‍ ഭൂമി കയ്യേറ്റം നടത്തിയാല്‍ ഇതേ നിലപാടാണോ സര്‍ക്കാരിന്റെ ഭാഗത്തുനിന്നുമുണ്ടാകുകയെന്നും കോടതി ആരാഞ്ഞു. തൃശൂര്‍ സ്വദേശി ടി.എന്‍. മുകുന്ദന്‍ സമര്‍പ്പിച്ച പൊതുതാത്പര്യ ഹര്‍ജിയിലാണ് ഡിവിഷന്‍ ബെഞ്ചിന്റെ വിമര്‍ശനം.

പൊ​​​തു​​സ്ഥ​​​ലം കൈ​​​വ​​​ശ​​​പ്പെ​​​ടുത്തുകയും ടൂ​​​റി​​​സ്റ്റ് റി​​​സോ​​​ർ​​​ട്ടി​​​ലേ​​​ക്ക് റോ​​​ഡ് നി​​​ർ​​​മി​​​ച്ചതും കേ​​​ര​​​ള ഭൂ ​​​സം​​​ര​​​ക്ഷ​​​ണ നി​​​യ​​​മ പ്ര​​​കാ​​​രം കു​​​റ്റ​​​ക​​​ര​​​മാ​​​ണെ​​​ന്നും ഇ​​​തി​​​നെ​​​തിരെ കേ​​​സെ​​​ടു​​​ക്കാ​​​ൻ പൊ​​​ലീ​​​സി​​​നു നി​​​ർ​​​ദേ​​​ശം ന​​​ൽ​​​ക​​​ണ​​​മെ​​​ന്നും ആ​​വ​​ശ്യ​​പ്പെട്ടായിരുന്നു ഹ​​ർ​​ജി. അതേസമയം, തോമസ് ചാണ്ടിക്കെതിരെ ഉയര്‍ന്ന ആരോപണങ്ങളിൽ അന്വേഷണം തുടങ്ങിയതായി സർക്കാർ കോടതിയില്‍ വ്യക്തമാക്കി.  

കഴിഞ്ഞ ദിവസം കേസ് പരിഗണിക്കുന്നതില്‍നിന്ന് ആക്ടിംഗ് ചീഫ് ജസ്റ്റീസ് ആന്‍റണി ഡൊമിനിക്ക് അധ്യക്ഷനായ ഡിവിഷന്‍ ബെഞ്ച് പിന്‍മാറിയിരുന്നു. കായൽ കയ്യേറിയതിനു പു​​​റ​​​മേ വാ​​​ട്ട​​​ർ വേ​​​ൾ​​​ഡ് ടൂ​​​റി​​​സം പ്രൈ​​​വ​​​റ്റ് ലി​​​മി​​​റ്റ​​​ഡ് കമ്പനി ന​​​ട​​​ത്തി​​​യ നി​​​യ​​​മ​​ലം​​​ഘ​​​ന​​​ങ്ങ​​​ൾ വ്യ​​​ക്ത​​​മാ​​​ക്കി ജി​​​ല്ലാ ക​​​ള​​​ക്ട​​​ർ സ​​​ർ​​​ക്കാ​​​രി​​​ന് റി​​​പ്പോ​​​ർ​​​ട്ട് ന​​​ൽ​​​കി​​​യി​​​ട്ടും ഇ​​​തു​​​വ​​​രെ ന​​​ട​​​പ​​​ടി​​​യെ​​​ടു​​​ത്തി​​​ല്ലെ​​​ന്നും തോ​​​മ​​​സ് ചാ​​​ണ്ടി മ​​​ന്ത്രി​​​യാ​​​യ​​​തി​​​നാ​​​ലാ​​​ണ് കേ​​​സെ​​​ടു​​​ക്കാ​​​ൻ മ​​​ടി​​​ക്കു​​​ന്ന​​​തെ​​​ന്നും ഹ​​​ർ​​​ജി​​​യി​​​ൽ ആ​​​രോ​​​പി​​​ക്കു​​​ന്നു.