ദിലീപിന് പങ്കുണ്ടോ എന്ന് വ്യക്തമല്ല, പക്ഷേ മുകേഷിന് പങ്കുണ്ട്?! - ആരോപണവുമായി എം എല്‍ എ
മുകേഷിന്റെ മാത്രം പേരെടുത്ത് പറഞ്ഞത് എന്തുകൊണ്ട്?
നടിയെ ആക്രമിച്ച കേസില്‍ ദിലീപിനെതിരെ വിവാദങ്ങള്‍ തുടര്‍ന്ന് കൊണ്ടിരിക്കുന്ന സാഹചര്യത്തില്‍ നിലപാടുകള്‍ മാറ്റി കളം മാറിചവുട്ടിയിരിക്കുകയാണ് എം എല്‍ എ, പി സി ജോര്‍ജ്. കേസില്‍ ദിലീപ് നിരപരാധി ആണെന്ന് താന്‍ പറഞ്ഞിട്ടില്ലെന്ന് പറയുന്ന എം എല്‍ എ ദിലീപിന് പങ്കുണ്ടോ എന്ന കാര്യത്തില്‍ വ്യക്തമല്ലെന്നും പറയുന്നു.
ദിലീപിനെ കേസില്‍ കുടുക്കിയതാണെന്നും ഇതില്‍ രണ്ട് പേര്‍ക്ക് പങ്കുണ്ടെന്നാണ് പി സി ജോര്‍ജ് പറയുന്നത്. അത് ഒരു രാഷ്ട്രീയ നേതാവും അദ്ദേഹത്തിന്റെ മകനുമാണെന്ന് പി സി ജോര്‍ജ്ജ് ആരോപിച്ചു. മംഗളം ചാനലിന്റെ ഹോട്ട് സീറ്റ് എന്ന പരിപാടിയിലാണ് ഗുരുതര ആരോപണങ്ങള്‍ ഉന്നയിച്ചു കൊണ്ട് പി സി ജോര്‍ജ് എം എല്‍ എ രംഗത്തെത്തിയത്.
സംഭവത്തില്‍ നടന്‍ മുകേഷിന്റെ പങ്ക് അന്വേഷിക്കണമെന്നാണ് പി സി യുടെ മറ്റൊരു ആവശ്യം. സംഭവത്തില്‍ മുകേഷിന് പങ്കുള്ളതായി താന്‍ സംശയിക്കുന്നുണ്ടെന്നാണ് പി സി ജോര്‍ജ് പറയുന്നത്. എന്തുകൊണ്ടാണ് മുകേഷിനെ മാത്രം പേരെടുത്ത് പി ജോര്‍ജ്ജ് പറയുന്നതെന്ന കാര്യത്തില്‍ വ്യക്തതയില്ല.
