രാഹുൽ ഗാന്ധി എഴുന്നേറ്റ് നടക്കാൻ വയ്യാത്ത പുലി; പരിഹാസവുമായി ജി സുധാകരൻ

രാഹുൽ ഗാന്ധി വയനാട്ടിൽ ഇടതുപക്ഷത്തിനെതിരെ മത്സരിക്കുന്നതിനെ വിമർശിച്ചാണ് സുധാകരന്റെ പരാമർശം.

എഴുന്നേറ്റ് നടക്കാൻ വയ്യാത്ത പുലിയാണ് രാഹുൽ ഗാന്ധിയെന്ന് മന്ത്രി ജി സുധാകരൻ. വടക്കേ ഇന്ത്യയിൽ നിന്നും ആർഎസ്എസിനെ പേടിച്ചോടിയ പുലിയാണ് രാഹുലെന്നും സുധാകരൻ പരിഹസിച്ചു. രാഹുൽ ഗാന്ധി വയനാട്ടിൽ ഇടതുപക്ഷത്തിനെതിരെ മത്സരിക്കുന്നതിനെ വിമർശിച്ചാണ് സുധാകരന്റെ പരാമർശം.

വയനാട്ടിൽ രാഹുൽ ഗാന്ധി മത്സരിക്കുന്നതിനെതിരെ ഇടതുനേതാക്കൾ രംഗത്തു വന്നിരുന്നു. ബിജെപി മുഖ്യശത്രുവെന്ന് പറയുന്ന രാഹുൽ ഗാന്ധി, വയനാട്ടിൽ ഇടതുസ്ഥാനാർത്ഥിക്കെതിരെ മത്സരിക്കുന്നത് രാജ്യത്തെ ജനങ്ങളിൽ എന്ത് സന്ദേശമാണ് നൽകുന്നതെന്ന് സിപിഎം ജനറൽ സെക്രട്ടറി സീതാറാം യെച്ചൂരിയും ചോദിച്ചിരുന്നു.