Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia

ബിജെപി സ്ഥാപക ദിനത്തിൽ കോൺഗ്രസിൽ ചേർന്ന് ശത്രുഘ്നൻ സിൻഹ

ബിജെപിയെ ‘വണ്‍ മാന്‍ ഷോ, ടൂ മെന്‍ ആര്‍മി’ എന്നാണു സിന്‍ഹ വിശേഷിപ്പിച്ചത്.

webdunia
  • facebook
  • twitter
  • whatsapp
share
ശനി, 6 ഏപ്രില്‍ 2019 (14:33 IST)
നടനും മുന്‍ ബിജെപി എംപിയുമായ ശത്രുഘ്‌നന്‍ സിന്‍ഹ കോണ്‍ഗ്രസില്‍ ചേര്‍ന്നു. കോണ്‍ഗ്രസില്‍ ചേരാനുള്ള സന്നദ്ധത നേരത്തേ അറിയിച്ചിരുന്ന സിന്‍ഹ ഇന്ന് ഡൽഹിയിൽ വെച്ചാണ് ഔദ്യോഗികമായി പാര്‍ട്ടിപ്രവേശനം നടത്തിയത്. എഐസിസി ജനറൽ സെക്രട്ടറി കെസി വേണുഗോപാലും വക്താവ് രൺദീപ് സിങ് സുർജോവാലയും പങ്കെടുത്ത ചടങ്ങിൽ വച്ചാണ് അദ്ദേഹം കോൺഗ്രസ് അംഗത്വം സ്വീകരിച്ചത്. 
 
ബിജെപിയുടെ സ്ഥാപകദിവസം തന്നെയാണ് സിന്‍ഹയുടെ പാര്‍ട്ടിപ്രവേശമെന്നതു ശ്രദ്ധേയമാണ്. വര്‍ഷങ്ങളോളം ബിജെപിയുമായി ബന്ധമുണ്ടായിരുന്ന സിന്‍ഹ പ്രധാനമന്ത്രി നരേന്ദ്രമോദിയുടെയും പാര്‍ട്ടി അധ്യക്ഷന്‍ അമിത് ഷായുടെയും കടുത്ത വിമര്‍ശകനാണ്.
 
ബിജെപിയെ ‘വണ്‍ മാന്‍ ഷോ, ടൂ മെന്‍ ആര്‍മി’ എന്നാണു സിന്‍ഹ വിശേഷിപ്പിച്ചത്. എല്ലാം പ്രധാനമന്ത്രിയുടെ ഓഫീസില്‍നിന്നാണു സംഭവിക്കുന്നതെന്നും മന്ത്രിമാര്‍ക്കു സ്വതന്ത്രമായി പ്രവര്‍ത്തിക്കാനാവുന്നില്ലെന്നും അദ്ദേഹം കുറ്റപ്പെടുത്തി. എങ്ങനെയാണു ജനാധിപത്യം ഏകാധിപത്യത്തിലേക്കു മാറിയതെന്നു തങ്ങള്‍ കണ്ടെന്നും അദ്ദേഹം പറഞ്ഞു.
 
 
ബിഹാറിലെ പട്‌ന സാഹിബില്‍ നിന്നു മത്സരിക്കുമെന്നു സിന്‍ഹ നേരത്തേ വ്യക്തമാക്കിയിരുന്നു. കഴിഞ്ഞ 10 വര്‍ഷമായി സിന്‍ഹ പ്രതിനിധീകരിക്കുന്ന ലോക്‌സഭാ മണ്ഡലമാണിത്.

Share this Story:
  • facebook
  • twitter
  • whatsapp

Follow Webdunia Hindi

അടുത്ത ലേഖനം

webdunia
മകൻ ഗ്രാമത്തിലെ പെൺക്കുട്ടിയുമായി ഒളിച്ചോടിയതിന് അരിശം തീർത്തത് അമ്മയോട്, മൂർച്ചയുള്ള ആയുധങ്ങളുമായി സ്ത്രീയെ നാട്ടുകാർ സംഘം ചേർന്ന് മർദ്ദിച്ചു