ലോക് സഭ തെരഞ്ഞെടുപ്പ് ഫലം പുറത്തുവരുമ്പോൾ കേരളത്തിൽ യു ഡി എഫിന് മേൽക്കൈ. 20ൽ 19 സീറ്റിലും യു ഡി എഫ് സ്ഥാനാർത്ഥികളാണ് മുന്നിൽ. ആലപ്പുഴ മാത്രമാണ് അനിശ്ചിതത്വത്തിൽ ഉള്ളത്. ആലപ്പുഴയിൽ എൽ ഡി എഫ് സ്ഥാനാർത്ഥി എ എം ആരിഫ് 13000 വോട്ടുകൾക്ക് മുന്നിലാണ്. തൊട്ടുപിന്നാലെ യു ഡി എഫിന്റെ ഷാനിമോൾ ഉസ്മാനും ഉണ്ട്.
കേരളത്തിൽ ആലപ്പുഴ ഒഴിച്ച് മറ്റെല്ലാ മണ്ഡലങ്ങളിലും യു ഡി എഫ് ജയം ഉറപ്പിക്കുന്നു. ആലപ്പുഴയിലും ഷാനിമോൾക്ക് ജയം കണ്ടെത്താൻ കഴിഞ്ഞാൽ 1977 വീണ്ടും ആവർത്തിക്കും. ആ വർഷം മുഴുവൻ സീറ്റും സ്വന്തമാക്കിയത് യു ഡി എഫ് ആയിരുന്നു.
യു ഡി എഫ് പാളയത്തിൽ ഏകയായി ഷാനിമോൾ ഉസ്മാൻ മാറുമോ? ആലപ്പുഴ മാത്രം ഒറ്റപ്പെടുമോ? ജയം നേരിയ വോട്ടിന്റെ വ്യത്യാസത്തിലാകുമോ? തുടങ്ങിയ ചോദ്യങ്ങൾക്കുൾല ഉത്തരം മണിക്കൂറുകൾക്കുള്ളിൽ അറിയാം.
