Webdunia - Bharat's app for daily news and videos

Install App

മണിച്ചിത്രത്താഴില്‍ മോഹന്‍ലാല്‍ വന്നതെങ്ങനെ? സിദ്ദിക്ക് ലാല്‍ ചിത്രീകരിച്ച രംഗങ്ങള്‍ ഏതൊക്കെ?

Webdunia
തിങ്കള്‍, 6 ഓഗസ്റ്റ് 2018 (15:32 IST)
മണിച്ചിത്രത്താഴ് എന്ന സിനിമ എക്കാലത്തെയും അത്ഭുതമാണ്. ഒരിക്കലും മടുക്കാത്ത ചിത്രങ്ങളുടെ പട്ടികയിലാണ് ആ ഫാസില്‍ ചിത്രത്തിന്‍റെ സ്ഥാനം. പടം റിലീസായി പതിറ്റാണ്ടുകള്‍ കഴിഞ്ഞിട്ടും ആ സിനിമയുടെ ഒരു സീന്‍ എവിടെയെങ്കിലും കാണാനിടയായാല്‍ സിനിമ മുഴുവന്‍ തീരുന്നതുവരെ കാണാനാണ് ഏവരും ശ്രമിക്കുക. അത് മധുമുട്ടം എഴുതിയ തിരക്കഥയുടെയും ഫാസില്‍ എന്ന സംവിധായകന്‍റെ കൈയടക്കത്തിന്‍റെയും വിരുതാണ്.
 
മണിച്ചിത്രത്താഴ് റിലീസ് ഡേറ്റ് തീരുമാനിച്ച് ഷൂട്ടിംഗ് ആരംഭിച്ച സിനിമയാണ്. അതുകൊണ്ടുതന്നെ ഒരു ടൈം പിരീഡില്‍ ചിത്രീകരണം പൂര്‍ത്തിയാക്കേണ്ടതുണ്ടായിരുന്നു. അതിനാല്‍ രണ്ട് യൂണിറ്റായാണ് സിനിമയുടെ ചിത്രീകരണം നടന്നത്. ഒരു യൂണിറ്റിന്‍റെ ചിത്രീകരണത്തിന് ഫാസില്‍ നേതൃത്വം നല്‍കുമ്പോള്‍ രണ്ടാമത്തെ യൂണിറ്റില്‍ സംവിധായകരായി സിദ്ദിക്ക് - ലാല്‍, പ്രിയദര്‍ശന്‍, സിബി മലയില്‍ എന്നിവരാണ് ഉണ്ടായിരുന്നത്. ഒരേ ലൊക്കേഷനില്‍ തന്നെയായിരുന്നു രണ്ട് യൂണിറ്റും പ്രവര്‍ത്തിച്ചത്. 
 
സിദ്ദിക്ക് - ലാല്‍ ടീം ചിത്രീകരിച്ചത് മണിച്ചിത്രത്താഴിലെ കോമഡി രംഗങ്ങളാണ്. ഇന്നസെന്‍റ്, ഗണേഷ്, കെ പി എ സി ലളിത തുടങ്ങിയവര്‍ ഉള്‍പ്പെടുന്ന കോമഡി രംഗങ്ങളായിരുന്നു സിദ്ദിക്കും ലാലും ഷൂട്ട് ചെയ്തത്. ആ സീനുകള്‍ ഇന്നും ഏവരെയും പൊട്ടിച്ചിരിപ്പിക്കുന്നതാണ്. ഇത്രയും സംവിധായകര്‍ വര്‍ക്ക് ചെയ്ത സിനിമയാണെങ്കിലും ഒരു സീന്‍ പോലും യോജിക്കാതെ വന്നില്ല. അതിന് കാരണം ഫാസിലിന്‍റെ മേക്കിംഗ് രീതി ഏവര്‍ക്കും അറിയാമായിരുന്നു എന്നതുകൊണ്ടാണ്.
 
സിബി മലയിലിന്‍റെയും സിദ്ദിക്ക് - ലാലിന്‍റെയും ഗുരുവാണ് ഫാസില്‍. തന്‍റെ മാനസഗുരുവായാണ് ഫാസിലിനെ പ്രിയദര്‍ശന്‍ കാണുന്നത്. അതുകൊണ്ടുതന്നെ അവര്‍ക്കിടയിലുള്ള ചേര്‍ച്ച മണിച്ചിത്രത്താഴിന് ഗുണമായി. ആരൊക്കെ ഏതൊക്കെ സീനുകളാണ് എടുത്തതെന്ന് ആര്‍ക്കും തിരിച്ചറിയാന്‍ പോലും കഴിയാത്ത വിധം ചേര്‍ന്നുകിടക്കുന്നതാണ് ആ സിനിമയിലെ ഓരോ രംഗങ്ങളും. 
 
രണ്ടാം പകുതിക്ക് ശേഷം മാത്രം വരുന്ന സണ്ണി എന്ന കഥാപാത്രത്തെ മോഹന്‍ലാല്‍ ഏറ്റെടുക്കുമോ എന്ന സംശയം ഫാസിലിനുണ്ടായിരുന്നു. എന്നാല്‍ തിരക്കഥ വായിച്ച മോഹന്‍ലാല്‍ അപ്പോള്‍ തന്നെ തന്‍റെ സമ്മതമറിയിച്ചു. മോഹന്‍ലാല്‍ വന്നതോടെ സണ്ണി എന്ന കഥാപാത്രത്തെ കുറച്ചുകൂടി വലുതാക്കുകയും ആദ്യപകുതി അവസാനിക്കുന്നതിന് മുമ്പുതന്നെ ആ കഥാപാത്രത്തെ അവതരിപ്പിക്കുകയും ചെയ്തു ഫാസില്‍.

അനുബന്ധ വാര്‍ത്തകള്‍

വായിക്കുക

'ദുൽഖറും ജയം രവിയും കഷ്ടിച്ച് രക്ഷപ്പെട്ടു!; ത​ഗ് ലൈഫിന് പിന്നാലെ നടൻമാർക്ക് കൈയടിച്ച് ആരാധകർ

ഐക്യം തകര്‍ക്കും: വെട്രിമാരന്റെ സിനിമയ്ക്ക് സെന്‍സര്‍ സര്‍ട്ടിഫിക്കറ്റ് നല്‍കിയില്ല; വിമര്‍ശിച്ച് ഹൈക്കോടതി

ആ പാട്ട് ഇറങ്ങിയാല്‍ അടിക്കുമെന്നാണ് പലരും പറഞ്ഞിരിക്കുന്നത്: വേടൻ

നടിമാർ പൊതുമുതലാണെന്ന തോന്നൽ ചിലർക്കുണ്ട്: നിത്യ മേനോൻ

'ചുംബിക്കാൻ ശ്രമിച്ചു, കിടക്ക പങ്കിടാൻ വിളിച്ചു'; സംവിധായകർക്കെതിരെ നടി സുർവീൻ ചൗള

എല്ലാം കാണുക

ഏറ്റവും പുതിയത്

ഫ്‌ളാറ്റ് വാടകയ്‌ക്കെടുത്ത് അനാശാസ്യം; പ്രതിയായ സ്ത്രീയുടെ ഫോണില്‍ പൊലീസ് ഉദ്യോഗസ്ഥരുടെ നമ്പറുകളും !

Covid: ഒറ്റദിനം 358 കോവിഡ് രോഗികള്‍; ആകെ രോഗികള്‍ 6,500 ലേക്ക്

തീപിടിക്കുന്ന രാസവസ്തുക്കള്‍, ഭൂരിഭാഗം കണ്ടെയ്‌നറുകളും അപകടകാരികള്‍; ഭീതിവിതച്ച് 'വാന്‍ ഹയി 503'

Kerala Weather: വരും ദിവസങ്ങളില്‍ മഴ സജീവമാകും; അഞ്ച് ജില്ലകളില്‍ ഇന്ന് യെല്ലോ അലര്‍ട്ട്

ഗതാഗത വകുപ്പ് മന്ത്രി കെബി ഗണേഷ് കുമാര്‍ ആത്മ പ്രസിഡന്റായും ദിനേശ് പണിക്കര്‍ ജനറല്‍ സെക്രട്ടറിയായും തെരഞ്ഞെടുക്കപ്പെട്ടു

അടുത്ത ലേഖനം
Show comments