'ഓപ്പറേഷന്‍ ജാവ'ക്ക് എങ്ങും നിന്നും നല്ല പ്രതികരണമാണ് ലഭിക്കുന്നത്.ഈ വര്‍ഷം തിയറ്ററുകളിലെത്തിയ ആദ്യത്തെ ഹിറ്റ് ചിത്രങ്ങളില്‍ ഒന്നുകൂടി ആയി മാറി. റിലീസ് ചെയ്ത് ആഴ്ചകള്‍ മാത്രം പിന്നിടുമ്പോള്‍ സംവിധായകന്‍ തരുണ്‍ മൂര്‍ത്തി ചിത്രത്തിന് രണ്ടാം ഭാഗം ഉണ്ടാകുമെന്ന് വെളിപ്പെടുത്തിയിരിക്കുകയാണ്.തുടര്‍ച്ചയുണ്ടാക്കുമെന്നും എന്നാല്‍ 2-3 വര്‍ഷങ്ങള്‍ക്കുശേഷം മാത്രമേ ഇത് നടക്കുകയുള്ളൂയെന്നും സംവിധായകന്‍ കൂട്ടിച്ചേര്‍ത്തു.
വിവിധ സൈബര്‍ കുറ്റകൃത്യങ്ങളെ അടിസ്ഥാനമാക്കിയുള്ള ചിത്രമാണ് 'ഓപ്പറേഷന്‍ ജാവ'.മലയാള സിനിമയില്‍ ആദ്യമായാണ് സൈബര്‍ കുറ്റകൃത്യങ്ങളെ ഇത്രയധികം ആഴത്തില്‍ ഒരു സിനിമയില്‍ വരച്ചു കാണിക്കുന്നത്.അതുതന്നെയാണ് ഈ സിനിമയുടെ പ്രധാന ആകര്‍ഷണവും.
ബാലു വര്‍ഗീസ്, ലുക്മാന്‍, വിനായകന്‍, ഇര്‍ഷാദ്, ഷൈന്‍ ടോം ചാക്കോ, ബിനു പപ്പു, ധന്യ അനന്യ, മമിത ബൈജു, വിനീത കോശി, ജോണി ആന്റണി, പ്രശാന്ത് അലക്‌സാണ്ടര്‍ എന്നിവരാണ് പ്രധാനവേഷങ്ങളില്‍ എത്തിയത്.
