മൊബൈല്‍ ആധാറുമായി ലിങ്ക് ചെയ്യാനാവശ്യപ്പെട്ട് സന്ദേശം; യുവാവിന് നഷ്ടമായത് 1.3ലക്ഷം രൂപ
മൊബൈല്‍ ആധാറുമായി ലിങ്ക് ചെയ്യാനാവശ്യപ്പെട്ട് സന്ദേശം; യുവാവിന് നഷ്ടമായത് ലക്ഷങ്ങള്‍
മൊബൈല്‍ നമ്പര്‍ ആധാറുമായി ലിങ്ക് ചെയ്യാനാവശ്യപ്പെട്ടുള്ള ഫോണ്‍കോളുകളിലൂടെ ലക്ഷങ്ങള്‍ തട്ടിയതായി പരാതി. ഇത്തരമൊരു കോളിലൂടെ മുംബൈ സ്വദേശിക്ക് നഷ്ടപ്പെട്ടത് 1.3 ലക്ഷം രൂപ. ശാശ്വത് ഗുപ്തയെന്ന യുവാവിനാണ് പണം നഷ്ടമായത്.
ഫേസ്ബുക്കിലൂടെയാണ് തട്ടിപ്പിനിരയായ കാര്യം അദ്ദേഹം അറിയിച്ചിരിക്കുന്നത്. ഐസിഐസിഐ ബാങ്കിന്റെ സാലറി അക്കൗണ്ടില്‍ നിന്നും തനിക്ക് 1.3 ലക്ഷം രൂപയാണ് നഷ്ടമായതെന്നാണ് അദ്ദേഹം പറയുന്നത്. ‘എയര്‍ടെല്ലില്‍ നിന്നാണെന്നും പറഞ്ഞ് ഒരാള്‍ എന്നെ വിളിച്ചു. ആധാര്‍ കാര്‍ഡും സിമ്മുമായി ബന്ധിപ്പിച്ചിട്ടില്ലാത്തതിനാല്‍ എന്റെ സിം ഡിയാക്ടിവേറ്റ് ചെയ്യുമെന്ന് അദ്ദേഹം പറഞ്ഞു.
അദ്ദേഹം എന്നോട് സിം കാര്‍ഡ് നമ്പര്‍ 121 ലേക്ക് മെസേജ് ചെയ്യാന്‍ ആവശ്യപ്പെട്ടു. എന്റെ സിം ഉടന്‍ റിയാക്ടിവേറ്റ് ചെയ്യാമെന്നും പറഞ്ഞു. അയാള്‍ക്ക് എന്റെ സിം ക്ലോണ്‍ ചെയ്തുകൊണ്ട് ഞാന്‍ ഇതുവരെ സമ്പാദിച്ച എല്ലാ പണവും സ്ഥിരനിക്ഷേപം അടക്കം തട്ടിയെടുക്കാന്‍ കഴിയുമെന്ന് എനിക്ക് അറിയില്ലായിരുന്നു.’ അദ്ദേഹം പറയുന്നു. സംഭവമായി ബന്ധപ്പെട്ട് പൊലീസ് കേസെടുത്തു.
