പീഡനക്കേസില്‍ ഗുര്‍മീത് അറസ്റ്റിലായതോടെ പല ആള്‍ദൈവങ്ങള്‍ക്കും പണികിട്ടിയിരുന്നു. അതിലൊരാളാണ് രാധേ മാ. ഇപ്പോള്‍ നവമാധ്യമങ്ങള്‍ ചര്‍ച്ച ചെയ്യുന്നത് രാധേ മാ മാധ്യമ പ്രവർത്തകർക്ക് നേരെ പൊട്ടിത്തെറിച്ചും ഭീഷണി മുഴക്കിയതാണ്. ദുർഗയുടെ അവതാരമെന്ന് അവകാശപ്പെടുന്ന രാധേ മാ കേസുകളെക്കുറിച്ചു ചോദ്യം ഉയർന്നപ്പോഴാണു കസേരയിൽ നിന്നെഴുന്നേറ്റു പൊട്ടിത്തെറിച്ചത്.
15 ദിവസത്തിനുള്ളിൽ തന്നെ കണ്ടോളാമെന്നു മാധ്യമ പ്രവർത്തകനു നേരെ ഭീഷണി മുഴക്കുകയും ചെയ്തു. തന്നെ മാധ്യമങ്ങള്‍ നിരന്തരം വേട്ടയാടുകയാണെന്നും, തനിക്ക് അതില്‍ വിഷമമുണ്ടെന്നും അവര്‍ വ്യക്തമാക്കി. രാധേ മായുടെ പ്രേരണയാൽ ഭർത്തൃവീട്ടുകാർ സ്ത്രീധനപീഡനം നടത്തുന്നതായി ആരോപിച്ചു വീട്ടമ്മ നൽകിയ പരാതിയിൽ അന്വേഷണം നടത്തുകയാണ് പൊലീസ്. ഭീഷണിപ്പെടുത്തൽ, മതവികാരം വ്രണപ്പെടുത്തൽ, വഞ്ചനക്കുറ്റം, ലൈംഗിക അതിക്രമം ഉൾപ്പെടെയുള്ള കേസുകൾ വേറെയുമുണ്ട്.