ഡൽഹി മെട്രോയുടെ രാജീവ് ചൗക്ക് സ്റ്റേഷനിൽ കൊലവിളി മുഴക്കിയ ആറ് പെരെ ഡിഎംആർസി അധികൃതർ പിടികൂടി പൊലീസിന് കൈമാറി. ദേശദ്രോഹികളെ വെടിവെച്ച് കൊല്ലു എന്നർത്ഥം വരുന്ന ഗോലി മാരൊ ദേശ് കി ഗദ്ദാരോം കോ,ഗോലി മാരോ സാലോം കോ എന്ന പ്രകോപരമായ മുദ്രാവാക്യങ്ങളാണ് ഇവർ ഉയർത്തിയത്.കൊലവിളി മുഴക്കിയതിന്റെ വീഡിയോ പുറത്തെത്തിയതിന് പിന്നലെയാണ് ഇവരെ അറസ്റ്റ് ചെയ്‌ത‌ത്.
ശനിയാഴ്ച രാവിലെ 10.52നാണ് സംഭവമുണ്ടായത്. ഒരു സംഘമാളുകൾ ഒരു തരത്തിലുള്ള പ്രകോപനവുമില്ലാതെ, അക്രമത്തിന് പ്രേരിപ്പിക്കുന്ന മുദ്രാവാക്യങ്ങൾ ഉറക്കെ വിളിക്കുകയായിരുന്നു. ഡൽഹി മെട്രോ പരിസരത്ത് മുദ്രാവാക്യം വിളിക്കുന്നതോ, പ്രകടനം നടത്തുന്നതോ, പ്രതിഷേധിക്കുന്നതോ നിരോധിച്ചിട്ടുള്ളതാണ്.വടക്കുകിഴക്കൻ ഡൽഹിയിൽ കലാപമൊഴിഞ്ഞ് ദിവസങ്ങൾ പോലുമാകുന്നതിന് മുമ്പാണ് വീണ്ടും മെട്രോ സ്റ്റേഷനിലടക്കം പ്രകോപനപരമായ മുദ്രാവാക്യങ്ങൾ ഉയരുന്നത്.