• Alliance
  • Lead/Won
  • Change

പഴനിയിൽ വാഹനാപകടം; ആറു മലയാളികൾ മരിച്ചു

പഴനി തീർത്ഥാടക സംഘത്തിന്റെ വാഹനം അപകടത്തിൽപ്പെട്ടു

ബുധന്‍, 9 മെയ് 2018 (08:37 IST)
പഴനിയിൽ തീർത്ഥാടനത്തിനായി പോയവരുടെ വാഹനം അപകടത്തിൽപ്പെട്ടു, മലയാളികളായ ആറു പേർ മരിച്ചു.   പഴനിക്കടുത്ത ആയക്കുടിയിൽ ലോറിയും വാനും കൂട്ടിയിടിച്ചാണ് അപകടമുണ്ടായത്. സംഭവത്തിൽ കോട്ടയം മുണ്ടക്കയം കോരുത്തോട് സ്വദേശികളായ ആറുപേരാണ് മരിച്ചത്. രണ്ടുപേർക്കു ഗുരുതരമായി പരുക്കേറ്റു. 
 
ഇന്നലെ രാത്രി 12 മണിയോടെയായിരുന്നു അപകടം. കോരുത്തോട് സ്വദേശി ശശി, ഭാര്യ വിജയമ്മ (60), സുരേഷ് (52), ഭാര്യ രേഖ, മകൻ മനു (27), അഭിജിത് (14) എന്നിവരാണു മരിച്ചത്. ഇവര്‍ സഞ്ചരിച്ച വാന്‍ എതിരേ വന്ന ലോറിയുമായി കൂട്ടിയിടിക്കുകയായിരുന്നു.
 
ഗുരുതരമായി പരുക്കേറ്റ ആദിത്യൻ (12), സജിനി എന്നിവരെ പഴനി സർക്കാർ ആശുപത്രിയിൽ പ്രവേശിപ്പിച്ചു. തമിഴ്നാട് റജിസ്ട്രേഷനുള്ള ലോറിയും കേരളത്തിൽ നിന്നുള്ള വാനും കൂട്ടിയിടിച്ചാണ് അപകടം. പരുക്കേറ്റവരെ നാട്ടുകാർ ചേർന്നാണ് ആശുപത്രിയിലെത്തിച്ചത്. 
 
ഇവരെ പിന്നീട് മധുരയിലെ ആശുപത്രിയിലേക്കു മാറ്റി. പഴനിയിലേക്കു പോകുംവഴിയാണ് ഇവര്‍ സഞ്ചരിച്ച വാൻ ലോറിയുമായി കൂട്ടിയിടിച്ചത്.

വെബ്ദുനിയ വായിക്കുക

അനുബന്ധ വാര്‍ത്തകള്‍

അടുത്ത ലേഖനം നാണംകെട്ട് അമിത് ഷായും കൂട്ടരും; കർണാടകയിൽ ബിജെപി നടത്തിയ വ്യാജ പ്രചാരണത്തിനെതിരെ ബിബിസി രംഗത്ത്