തമിഴ് സൂപ്പര്‍താരം സൂര്യക്ക് കൊവിഡ് സ്ഥിരീകരിച്ചു. താരം തന്നെ ട്വിറ്ററിലൂടെയാണ് ഇക്കാര്യം അറിയിച്ചത്. ആരോഗ്യം തൃപ്തികരമാണെന്നും ചികിത്സയിലാണെന്നും സൂര്യ പറഞ്ഞു. 'ജീവിതം ഇതുവരെ സാധാരണ നിലയിലായിട്ടില്ലെന്ന് നമുക്കറിയാം എന്നാല്‍ തളര്‍ന്നുപോകരുത്. ശ്രദ്ധയോടെയും സുരക്ഷിതമായും ഇരിക്കുക'- സൂര്യ ട്വിറ്ററില്‍ കുറിച്ചു.
നിലവില്‍ വെട്രിമാരന്‍ സംവിധാനം ചെയ്യുന്ന ചിത്രത്തിലാണ് സൂര്യ അഭിനയിക്കുന്നത്. സുധ കൊങ്കര സംവിധാനം ചെയ്ത സൂരറൈ പോട്രായായിരുന്നു അവസാനം തിയേറ്ററിലെത്തിയ സൂര്യ സിനിമ. ഒരു വെബ് സീരീസിലും സൂര്യ അഭിനിയിച്ചുവരുകയാണ്.
