ഗുരുതര ആരോഗ്യപ്രശ്നങ്ങൾ; വിദഗ്ധ ചികിത്സയ്ക്കായി അരുൺ ജെയ്റ്റ്ലി ലണ്ടനിലേക്ക്

രോഗാവസ്ഥയെക്കുറിച്ച് ഇതുവരെ വെളിപ്പെടുത്തിയിട്ടില്ല.

ആരോഗ്യപ്രശ്നങ്ങളെ തുടർന്ന് വിദഗ്ധ ചികിത്സയ്ക്കായി ലണ്ടനിലെക്ക് പോകാനൊരുങ്ങി ധനമന്ത്രി അരുൺ ജയ്റ്റ്ലി. ആരോഗ്യപ്രശ്നങ്ങളെ തുടർന്ന് മൂന്ന് ആഴ്ചയായി അരുൺ ജയ്റ്റ്ലി ഓഫീസിൽ എത്തുന്നില്ലായിരുന്നു. കഴിഞ്ഞ ദിവസം ഡൽഹി എയിംസിൽ പ്രവേശിപ്പിച്ച അരുൺ ജയ്റ്റ്ലിയെ ഇന്നലെയായിരുന്നു ഡിസ്ചാർജ് ചെയ്തത്. 

രോഗാവസ്ഥയെക്കുറിച്ച് ഇതുവരെ വെളിപ്പെടുത്തിയിട്ടില്ല. രോഗം മൂർച്ഛിച്ചതിനാൽ വിദ്ഗ്ദ ചികിത്സയ്ക്കായി ലണ്ടനിൽ പോകാൻ തീരുമാനിച്ചിരിക്കുന്നതായി വൃത്തങ്ങൾ സൂചിപ്പിക്കുന്നു. ഇതേ തുടർന്ന് നേരത്തെ നിശ്ചയിച്ചിരുന്ന അദ്ദേഹത്തിന്റെ മകന്റെ വിവാഹവും ജൂൺ നാലാം തിയ്യതിയിലേക്ക് നീട്ടിവച്ചിരിക്കുകയാണ്. 

രോഗാവസ്ഥയെ തുടർന്ന് ഇത്തവണത്തെ ലോക്‌സഭാ തെരഞ്ഞെടുപ്പിൽ മത്സരിക്കുന്നതിൽ നിന്നും അരുൺ ജയ്റ്റ്ലി വിട്ടുനിന്നിരുന്നു. ബിജെപിയുടെ ഗംഭീരവിജയത്തെ അഭിനന്ദിച്ച് അദ്ദേഹം ഇന്നലെ ട്വീറ്റ് ചെയ്തിരുന്നു.