കശ്മീരിലുണ്ടായ ഏറ്റുമുട്ടലില് രണ്ടുഭീകരരെ സുരക്ഷാസേന വധിച്ചു. ജമ്മുകശ്മീരിലെ ഹസന്പോര ഗ്രാമത്തിലാണ് ഏറ്റുമുട്ടല് നടന്നത്. ഇവിടെ ഭീകരര് ഒളിച്ചിരിക്കുന്നെന്ന വിവരം ലഭിച്ചതിന്റെ അടിസ്ഥാനത്തില് സൈന്യം തിരച്ചില് നടത്തുകയായിരുന്നു. ഇവിടെ നിന്ന് മാരകായുധങ്ങളും സ്ഫോടക വസ്തുക്കളും കണ്ടെത്തിയിട്ടുണ്ട്. പ്രദേശത്ത് പരിശോധന കര്ശനമാക്കിയിരിക്കുകയാണ്.
