പ്രമുഖ ബംഗാളി നടി പായൽ ചക്രബർത്തി ഹോട്ടൽ മുറിയിൽ മരിച്ച നിലയിൽ. വടക്കൻ ബംഗാളിലെ സിലിഗുഡിയിലെ ഹോട്ടൽ മുറിയിൽ ബുധനാഴ്‌ച രാവിലെയാണ് നടിയെ മരിച്ച നിലയിൽ കണ്ടെത്തിയത്. പ്രാഥമിക അന്വേഷണത്തിൽ ആത്‌മഹത്യയാണെന്ന് പൊലീസ് സംശയിക്കുന്നു.
Commercial Break
Scroll to continue reading
നടി ചൊവ്വാഴ്ച്ച രാവിലെയാണ് ഹോട്ടലില്‍ മുറിയെടുത്തത്. ബുധനാഴ്ച്ച ഗാങ്‌ടോക്കിലേക്കു പോകുമെന്നു പറഞ്ഞിരുന്നതായി ഹോട്ടല്‍ അധികൃതര്‍ പറയുന്നു. എന്നാല്‍ നടി പുറത്ത് പോകാത്തതിനെ തുടർന്ന് ഹോട്ടൽ അധികൃതർ നടി താമസിച്ച റൂമിന്റെ വാതിലിൽ തട്ടി വിളിച്ചെങ്കിലും മറുപടിയൊന്നും ഇല്ലായിരുന്നു.
തുടർന്ന്, സംശയം തോന്നിയ ഹോട്ടൽ അധികൃതർ പൊലീസിനെ വിളിക്കുകയായിരുന്നു. പൊലീസ് റൂമിലെത്തിയപ്പോൾ മരിച്ച നിലയിലായിരുന്നു. മൃതദേഹം പോസ്‌റ്റ്‌മോർട്ടത്തിനായി ആശുപത്രിയിലെത്തിച്ചു.