മലയാളിയായ ബോളിവുഡ് ഗായകൻ കെകെയുടെ മരണത്തിൽ ബംഗാൾ മുഖ്യമന്ത്രി മമതാ ബാനർജിക്കെതിരെ വിമർശനവുമായി ബിജെപി. സംഗീതപരിപാടി നടന്ന ഓഡിറ്റോറിയത്തിലെ മോശം ക്രമീകരണവും അനധികൃതമായി കൂടുതൽ കാണികളെ പ്രവേശിച്ചതിന്റെയും പേരിലാണ് വിമർശനമുയരുന്നത്.
3000 ആളുകളെ മാത്രം പ്രവേശിപ്പിക്കാൻ കഴിയുന്ന ഓഡിറ്റോറിയത്തിലേക്ക് 7000ത്തിലധികം ആളുകളാണ് എത്തിയത്. നല്ല രീതിയിലുള്ള വെന്റിലേഷൻ സൗകര്യവും വേദിയിലുണ്ടായിരുന്നില്ലെന്നും ബിജെപി ആരോപിക്കുന്നു. കെകെയുടെ മരണത്തിൽ പ്രത്യേക അന്വേഷണം നടത്തണമെന്ന് ബംഗാൾ കോൺഗ്രസ് അധ്യക്ഷൻ അധീർ രഞ്ജൻ ചൗധരി ആവശ്യപ്പെട്ടു.
