കൊൽക്കത്ത: ദേശീയ ദുരന്തന്തനിവാരന സേനാംഗങ്ങൾക്ക് കൂട്ടത്തോടെ കൊവിഡ് ബാധ. 50 സേനാംഗങ്ങൾക്കാണ് രോഗബാധ സ്ഥിരീകരിച്ചത്. പശ്ചിമ ബംഗാളിൽ അംഫാൻ ചുഴലിക്കാറ്റിനെ തുടർന്ന് ദുരന്തനിവാരണ പ്രവർത്തനങ്ങൾക്ക് നിയോഗിയ്ക്കപ്പെട്ട സേനാംഗങ്ങൾക്കാണ് രോഗബാധ സ്ഥിരീകരിച്ചത്.
ദൗത്യത്തിന് ശേഷം ഒഡീഷയിലെ ബേസ് ക്യാംപിൽ മടങ്ങിയെത്തിയ സേനാംഗങ്ങളെ പരിശോധനയ്ക്ക് വിധേയരാക്കിയിരുന്നു. ഇതോടെയാണ് രോഗബാധ സ്ഥിരീകരിച്ചത്. 170 പേരുടെ സാംപിൾ ടെസ്റ്റ് ചെയ്തതായി അധികൃതർ അറിയിച്ചു. സംഘത്തിലുണ്ടായിരുന്നു ഒരു സേനാംഗത്തിന് ദിവസങ്ങൾക്ക് മുൻപ് കൊവിഡ് സ്ഥിരീകരിച്ചിരുന്നു. ഇദ്ദേഹവുമായി സമ്പർക്കത്തിൽവന്നവർക്കാണ് രോഗബാധ സ്ഥിരീകരിച്ചത്.
