നബിവിരുദ്ധ പരാമർശം നടത്തിയ ബിജെപി മുൻ വക്താവ് നൂപുർ ശർമ്മയ്ക്കെതിരെ ആഞ്ഞടിച്ച് സുഒരീം കോടതി. ഉദയ്പൂർ സംഭവത്തിന് ഉത്തരവാദി നൂപുർ ശർമയാണെന്ന് വിമർശിച്ച സുപ്രീംകോടതി കോടതി പരിഗണനയിലുള്ള വിഷയം ടിവി ചാനലിൽ ചർച്ച ചെയ്തത് എന്തിനെന്നും ചോദിച്ചു. പരാമർശം പിൻവലിക്കുന്നത് വൈകിയെന്നും നൂപുർ ശർമ രാജ്യത്തോട് മാപ്പ് പറയണമായിരുന്നുവെന്നും കോടതി പറഞ്ഞു.
പോലീസ് അന്വേഷണത്തെ വിമർശിച്ച കോടതി അറസ്റ്റ് നടക്കാത്തത് നൂപുർ ശർമയുടെ സ്വാധീനം വ്യക്തമാക്കുന്നതാണെന്ന് കുറ്റപ്പെടുത്തി. തനിക്കെതിരായ കേസുകൾ ഒന്നിച്ച് ദില്ലിയിലേക്ക് മാറ്റണമെന്ന് ആവശ്യപ്പെട്ട് നൂപുർ ശർമ സുപ്രീംകോടതിയെ സമീപിച്ചപ്പോഴായിരുന്നു സുപ്രീംകോടതിയുടെ രൂക്ഷവിമർശനം.
വിവിധ സംസ്ഥാനങ്ങൾ തനിക്കെതിരെ കേസെടുത്ത പശ്ചാത്തലത്തിലാണ് നൂപുർ ശർമ ഹർജി നൽകിയത്. ജീവന് ഭീഷണി ഉണ്ടെന്നും അതിനാൽ പല സംസ്ഥാനങ്ങളിലേക്ക് പോകാൻ കഴിയില്ലെന്നുമാണ് നൂപുർ ശർമ ഹർജിയിൽ പറഞ്ഞിർഉന്നത്.ഹൈക്കോടതിയെ സമീപിക്കാന്‍ സുപ്രീംകോടതി നിര്‍ദ്ദേശിച്ചതിനെ തുടര്‍ന്ന് നൂപുർ ശർമ്മ ഹർജി പിൻവലിച്ചു. ഹർജി പരിഗണിക്കാൻ മനസാക്ഷി അനുവദിക്കുന്നില്ലെന്നായിരുന്നു കോടതിയും പരാമര്‍ശം.
