സവര്‍ണ ജാതിക്കാരന്റെ തോട്ടത്തില്‍ നിന്നും മാങ്ങ പറിച്ചു; ദലിത് യുവാവിനെ തല്ലിക്കൊന്ന് പഞ്ചായത്ത് ഓഫീസിലെ സീലിംഗ് ഫാനില്‍ കെട്ടിത്തൂക്കി

യുവാവ് മാങ്ങ പറിക്കുന്നത് കണ്ട് തോട്ടമുടമയും സാഹായികളും ഓടിച്ചിട്ട് പിടിച്ചാണ് തല്ലിക്കൊന്നത്.

സവര്‍ണ്ണവിഭാഗത്തില്‍പെട്ട ആളുടെ പറമ്പില്‍ നിന്നും മാങ്ങ പറിച്ചതിന് ദലിത് യുവാവിനെ സവര്‍ണര്‍ തല്ലിക്കൊന്ന് കെട്ടിത്തൂക്കി. സിംഗമ്പള്ളി പഞ്ചായത്ത് ഓഫീസിലെ സീലിംഗ് ഫാനിലാണ് യുവാവിനെ തല്ലിക്കൊന്ന് കെട്ടിത്തൂക്കിയത്. ആന്ധ്രയിലെ കിഴക്കന്‍ ഗോദാവരി ജില്ലയിലെ സിംഗമ്പള്ളിയില്‍ ബിക്കി ശ്രീനിവാസാ(30)ണ് കൊല്ലപ്പെട്ടത്.

യുവാവ് മാങ്ങ പറിക്കുന്നത് കണ്ട് തോട്ടമുടമയും സാഹായികളും ഓടിച്ചിട്ട് പിടിച്ചാണ് തല്ലിക്കൊന്നത്. അതിനുശേഷം ബിക്കിയുടെ മൃതദേഹം പഞ്ചായത്ത് ഓഫീസില്‍ കൊണ്ടുപോയി സീലിങ്ങ് ഫാനില്‍ കെട്ടിത്തൂക്കി.

കൊലപാതകം ആത്മഹത്യയാണെന്ന് വരുത്തിത്തീര്‍ക്കാന്‍ സവര്‍ണര്‍ ശ്രമിക്കുന്നുണ്ടെന്ന് ബന്ധുക്കള്‍ ആരോപിച്ചു. മാങ്ങ പറിച്ചത്തില്‍ പിടിക്കപ്പെട്ട വിഷമത്തിലാണ് ബിക്കി ആത്മഹത്യ ചെയ്തെനാണ് സവര്‍ണരുടെ ഭാഷ്യം. മരണ വിവരം അറിഞ്ഞതിനെ തുടര്‍ന്ന് പഞ്ചായത്ത് ഓഫീസില്‍ എത്തിയ കുടുംബാംഗങ്ങളാണ് മൃതദേഹം താഴെയിറക്കിയത്. യുവാവിന്‍റെ ശരീരമാസകലം പരിക്കുകള്‍ ഉണ്ടായിരുന്നെന്ന് ബന്ധുക്കള്‍ മാധ്യമങ്ങളോട് പറഞ്ഞു.