പുതിയ ഫോണ്‍ വാങ്ങിയിട്ട് ചെലവ് ചെയ്തില്ല; 16കാരനെ സുഹൃത്തുക്കള്‍ കുത്തിക്കൊന്നു

പുതിയ ഫോണ്‍ വാങ്ങിയിട്ട് ചെലവ് ചെയ്യാത്തതില്‍ 16കാരനെ സുഹൃത്തുക്കള്‍ കുത്തിക്കൊന്നു. കിഴക്കന്‍ ഡല്‍ഹിയിലെ ഷഗര്‍പൂരിലാണ് സംഭവം. പ്രായപൂര്‍ത്തിയാകാത്ത മൂന്ന് പേരാണ് കൊല ചെയ്തത്. മൂന്നുപേര്‍ക്കും കൊല്ലപ്പെട്ട ആളിനും 16 വയസ്സാണ്. ഇവര്‍ നാലുപേരും ഒന്‍പതാം ക്ലാസ് വിദ്യാര്‍ത്ഥികളാണ്. പുതിയ ഫോണ്‍ വാങ്ങിയതിന് ചെലവ് ചെയ്യാന്‍ ആവശ്യപ്പെട്ടപ്പോള്‍ നിഷേധിച്ചതാണ് കൊലയ്ക്ക് പിന്നിലെന്ന് പോലീസ് പറയുന്നു. 

ആക്രമണത്തിന് പിന്നാലെ നാട്ടുകാര്‍ ചേര്‍ന്ന് കുട്ടിയെ ആശുപത്രിയിലേക്ക് കൊണ്ടുപോയിരുന്നു. ആശുപത്രിയില്‍ നിന്നാണ് പോലീസിന് വിവരം ലഭിച്ചത്. കൊല്ലപ്പെട്ട കുട്ടിയും സുഹൃത്തുക്കളും ചേര്‍ന്ന് പുതിയ ഫോണ്‍ വാങ്ങി തിരിച്ചു വരുമ്പോഴാണ് സംഭവം ഉണ്ടായത്.