Goa Election Result 2022 Live Updates: ഗോവയില്‍ ഭരണം പിടിക്കുമെന്ന് പ്രതീക്ഷിച്ച് കരുക്കള്‍ നീക്കിയ കോണ്‍ഗ്രസിന് വന്‍ തിരിച്ചടി. 40 സീറ്റുകളിലേക്ക് നടന്ന തിരഞ്ഞെടുപ്പില്‍ 18 സീറ്റില്‍ ബിജെപിയാണ് ലീഡ് ചെയ്യുന്നത്. മറ്റ് കക്ഷികളുടെ കൂടെ പിന്തുണയോടെ കേവല ഭൂരിപക്ഷമായ 21 സീറ്റുകള്‍ ഉറപ്പിക്കാമെന്നാണ് ബിജെപിയുടെ കണക്കുകൂട്ടല്‍. കോണ്‍ഗ്രസ് 12 സീറ്റുകളില്‍ മാത്രമാണ് ലീഡ് ചെയ്യുന്നത്.
സര്‍ക്കാര്‍ രൂപീകരിക്കാന്‍ സാധിക്കുമെന്ന പ്രതീക്ഷയില്‍ ഗോവയില്‍ കോണ്‍ഗ്രസ് സ്ഥാനാര്‍ഥികളെ നേരത്തെ റിസോര്‍ട്ടിലേക്ക് മാറ്റിയിരുന്നു. മാത്രമല്ല ഇന്ന് ഉച്ചയ്ക്ക് മൂന്നിന് ഗവര്‍ണറെ കാണാനും കോണ്‍ഗ്രസ് അനുമതി തേടിയിരുന്നു. ബിജെപി അധികാരം ഉറപ്പിച്ചതോടെ കോണ്‍ഗ്രസിന്റെ നീക്കങ്ങളെല്ലാം വെള്ളത്തില്‍ വരച്ച വര പോലെയായി.
