ആന്ധ്ര-ഒഡിഷ തീരത്ത് ചുഴലിക്കാറ്റ് മുന്നറിയിപ്പ്. ഗുലാബ് എന്ന ചുഴലിക്കാറ്റാണ് എത്തുന്നത്. നാളെ തീരം തൊട്ടേക്കുമെന്നാണ് മുന്നറിയിപ്പുള്ളത്. ഇതോടുകൂടി കേരളത്തില്‍ നാലുജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചത്. ആന്ധ്ര-ഒഡിഷ തീരത്ത് ചുഴലിക്കാറ്റ് മുന്നറിയിപ്പിനെ തുടര്‍ന്നാണ് യെല്ലോ അലര്‍ട്ട്. സംസ്ഥാനത്ത് ചൊവ്വാഴ്ച വരെ ശക്തമായ മഴയ്ക്ക് സാധ്യയുണ്ടെന്നാണ് അറിയിപ്പ്.
ന്യൂനമര്‍ദ്ദത്തിന്റെ സ്വാധീനത്തില്‍ ഈമാസം 27,28 തിയതികളില്‍ കേരളതീരത്ത് മത്സ്യബന്ധനത്തിന് വിലക്കുണ്ട്. 45മുതല്‍ 55കിലോമീറ്റര്‍ വരെ മണിക്കൂറില്‍ വീശിയടിക്കാവുന്ന കാറ്റിനാണ് സാധ്യത.
