ഉത്തരേന്ത്യയില്‍ കനത്തമഴ. ഹിമാചലില്‍ മാത്രം റിപ്പോര്‍ട്ട് ചെയ്തത് 72 മരണം. ഹിമാചലില്‍ ഇന്നലെയുണ്ടായ മണ്ണിടിച്ചിലില്‍ നാലു പേര്‍ കൂടി മരിച്ചു. റോഡുകളും പാലങ്ങളും തകര്‍ന്നു, വന്‍ നാശനഷ്ടം. കുടുങ്ങിക്കിടക്കുന്നവരെ സുരക്ഷിത കേന്ദ്രങ്ങളിലെത്തിക്കാന്‍ രക്ഷാപ്രവര്‍ത്തനം ഊര്‍ജ്ജിതമാക്കി.
ജമ്മു കശ്മീര്‍, ഹിമാചല്‍പ്രദേശ്, ഉത്തര്‍പ്രദേശ്, ദല്‍ഹി, ഉത്തരാഖണ്ഡ്, രാജസ്ഥാന്‍, പഞ്ചാബ് സംസ്ഥാനങ്ങളില്‍ മൂന്നു ദിവസത്തിനിടെ മരിച്ചവര്‍ 41 ആയി. പത്തോളം പേരെ കാണാതായി. 73 വീടുകള്‍ തകര്‍ന്നു. 761 കോടിയുടെ വസ്തുവകകള്‍ നശിച്ചു.
