ഭാര്യയുടെ കാലുകള്‍ ബൈക്കില്‍ കെട്ടിയിട്ട് ഗ്രാമത്തിലൂടെ വലിച്ചിഴച്ച് ഭര്‍ത്താവ്. രാജസ്ഥാനിലെ നാഗൗര്‍ ജില്ലയിലാണ് സംഭവം. സംഭവത്തിന്റെ വീഡിയോ സോഷ്യല്‍ മീഡിയകളില്‍ ഇതിനോടകം തന്നെ വൈറലായിട്ടുണ്ട്. സംഭവത്തിന് പിന്നാലെ യുവതിയുടെ ഭര്‍ത്താവ് 32 കാരനായ പ്രേംറാമിനെ പോലീസ് കസ്റ്റഡിയിലെടുത്തു. തിങ്കളാഴ്ചയാണ് സംഭവത്തിന്റെ വീഡിയോ സോഷ്യല്‍ മീഡിയകളില്‍ പ്രചരിച്ചത്. പിന്നാലെ വ്യാപകമായ പ്രതിഷേധങ്ങള്‍ ഉണ്ടായി.
സ്ഥിരം മദ്യപാനിയാണ് പ്രേംറാം. ഇയാള്‍ മദ്യപിച്ച് ഭാര്യയെ മര്‍ദ്ദിക്കാറുണ്ടെന്ന് അയല്‍വാസികള്‍ പറയുന്നു. സംഭവത്തില്‍ ഇയാളെ ഭയന്ന് ഭാര്യ വിവരം മറച്ചു വയ്ക്കുകയായിരുന്നു. എന്നാല്‍ ഇതിന്റെ വീഡിയോ പ്രചരിച്ചതോടെയാണ് സംഭവം പുറത്തറിയുന്നത്.
