ഇന്ത്യയുടെ വളര്‍ച്ച ഏറെ പ്രചോദനകരമെന്ന് മൈക്രോസോഫ്റ്റ് സഹസ്ഥാപകനായ ബില്‍ഗേറ്റ്‌സ്

ഇന്ത്യയുടെ വളര്‍ച്ച ഏറെ പ്രചോദനകരമെന്ന് മൈക്രോസോഫ്റ്റ് സഹസ്ഥാപകനായ ബില്‍ഗേറ്റ്‌സ്. ഇക്കാര്യത്തില്‍ പ്രധാനമന്ത്രി നരേന്ദ്രമോദിയെ അഭിനയിക്കുന്നുവെന്നും അദ്ദേഹം പറഞ്ഞു. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്. ഇന്ത്യ 75-ാം സ്വാതന്ത്ര്യ ദിനം ആഘോഷിക്കുമ്പോള്‍, ഇന്ത്യയുടെ വികസനത്തെ മുന്നോട്ടുനയിക്കുമ്പോള്‍ തന്റെ രാജ്യത്തിന്റെ ആരോഗ്യസുരക്ഷയും ഡിജിറ്റല്‍ പരിവര്‍ത്തനവും പ്രോത്സാഹിപ്പിച്ചതിന് നരേന്ദ്രമോദിയെ അഭിനന്ദിക്കുന്നു. ഈ മേഖലയില്‍ രാജ്യത്തുണ്ടായ വളര്‍ച്ച ഏറെ പ്രചോദനകരമാണ്. ഈ യാത്രയില്‍ പങ്കുചേരുവാന്‍ കഴിഞ്ഞതില്‍ നമ്മള്‍ ഭാഗ്യവാന്‍മാരാണ്.- ഇങ്ങനെയാണ് ബില്‍ ഗേറ്റ്‌സിന്റെ ട്വീറ്റ്.  

ഇന്ന് ചെങ്കോട്ടയില്‍ പ്രധാനമന്ത്രി രാജ്യത്തെ അഭിസംബോധന ചെയ്യുമ്പോള്‍ കടലാസ് കുറിപ്പുകളായിരുന്നു ഉപയോഗിച്ചിരുന്നത്. 82 മിനിറ്റ് ദൈര്‍ഘ്യമുള്ള പ്രഭാഷണമായിരുന്നു മോദി നടത്തിയത്.