ലോകത്ത് ഏറ്റവുമധികം കോവിഡ് മരണങ്ങൾ റിപ്പോർട്ട് ചെയ്ത രാജ്യങ്ങളുടെ പട്ടികയിൽ ഇന്ത്യ പത്താം സ്ഥാനത്തെത്തി. ഇറാനെ മറികടന്നാണ് ഇന്ത്യ പത്താംസ്ഥാനത്ത് എത്തിയത്. രാജ്യത്ത് കൊവിഡ് മരണങ്ങൾ 8,884 ആയി ഉയർന്നതോടെയാണ് പട്ടികയിൽ ഇന്ത്യ ആദ്യ പത്തിൽ എത്തിയത്. 386 പേരാണ് കഴിഞ്ഞ ദിവസം മാത്രം ഇന്ത്യയിൽ മരിച്ചത്.
മഹാരാഷ്ട്രയിലാണ് ഇന്ത്യയിൽ ഏറ്റവുമധികം രോഗബാധയും മരണവും റിപ്പോർട്ട് ചെയ്തത്. 1,01,141 പേർക്കാണ് മഹാരാഷ്ട്രയിൽ രോഗബാധ സ്ഥിരീകരിച്ചത്. ഇതിൽ 55,451 കേസുകളും മുംബൈ നഗരത്തിലാണ് 3,717 പേർ മഹാരാഷ്ട്രയിൽ മരണപ്പെട്ടു. ഇതിൽ 2,044 മരണങ്ങളും മുംബൈ നഗരത്തിൽതന്നെ. രോഗബാധിതരുടെ എണ്ണത്തിൽ ബ്രിട്ടണെ മറികടന്ന് ഇന്ത്യ നാലാംസ്ഥാനത്ത് എത്തിയിരുന്നു.
