ഇനി മുതല്‍ രാത്രി ട്രെയിനുകളില്‍ മൊബൈല്‍ ഫോണ്‍ ലാപ്ടോപ്പ് മുതലായവ ചാര്‍ജ് ചെയ്യാന്‍ അനുവദിക്കില്ല

ഇനി മുതല്‍ യാത്രക്കാരെ രാത്രി സമയങ്ങളില്‍ ട്രെയിനുകളിലെ ചാര്‍ജിങ് സോക്കറ്റുകള്‍ വഴി മൊബൈല്‍ ഫോണ്‍ ലാപ്ടോപ്പ് എന്നിവ  ചാര്‍ജ് ചെയ്യാന്‍ അനുവദിക്കില്ല. രാത്രി 11 മുതല്‍ രാവിലെ 5 മണിവരെയായിരിക്കും ഈ നിയന്ത്രണം. ഇങ്ങനെ ചാര്‍ജ് ചെയ്യുന്നതുകാരണം അടുത്തിടെ ഉണ്ടായ തീപിടുത്തങ്ങളാണ് ഇങ്ങനെയൊരു തീരുമാനത്തിലെത്താന്‍ റെയില്‍വെ അധികൃതരെ പ്രേരിപ്പിച്ചത്. 

പശ്ചിമമേഖലാ ട്രെയിനുകളിലാണ് ഇത് ആദ്യം നിലവില്‍ വന്നത്. കഴിഞ്ഞ മാര്‍ച്ച് 16 മുതലാണ് അവര്‍ ഇത് നടപ്പിലാക്കിയത്. താമസിയാതെ എല്ലാ റെയില്‍ മേഖലകളിലും ഈ തീരുമാനം നടപ്പിലാക്കുമെമന്നും റെയില്‍വെ അധികൃതര്‍ അറിയിച്ചു.