ബോളിവുഡിലെയും ഹോളിവുഡിലെയും പ്രമുഖതാരമായ ഇര്ഫാന് ഖാനെ ആശുപത്രിയില്‍ പ്രവേശിപ്പിച്ചു. മുംബൈയിലെ കോകിലബെൻ ആശുപത്രിയിലാണ് ഇര്‍ഫാനെ പ്രവേശിപ്പിച്ചിരിക്കുന്നത്. ഇർ‌ഫാൻ കുറച്ചുകാലമായി ആരോഗ്യപ്രശ്നങ്ങള്‍ കാരണം ബുദ്ധിമുട്ടിലാണ്. വർഷങ്ങൾക്ക് മുമ്പ് അദ്ദേഹത്തിന് ന്യൂറോ എൻഡോക്രൈൻ ട്യൂമർ ഉണ്ടെന്ന് കണ്ടെത്തിയിരുന്നു. അതിനുശേഷം അദ്ദേഹം ഈ സാഹചര്യവുമായി നിരന്തരം പോരാട്ടത്തിലാണ്.
കുറച്ചുദിവസങ്ങള്‍ക്ക് മുമ്പാണ് ഇര്ഫാന് ഖാന്‍റെ അമ്മ സയീദ ബീഗം അന്തരിച്ചത്. ലോക്ക്ഡൗൺ കാരണം ഇര്ഫാന് ശവസംസ്കാര ചടങ്ങിൽ പങ്കെടുക്കാൻ കഴിഞ്ഞിരുന്നില്ല. എന്നാല്‍ ചികിത്‌സയുമായി ബന്ധപ്പെട്ട് വിദേശത്തായതിനാലാണ് ഇര്ഫാന് ചടങ്ങില്‍ പങ്കെടുക്കാന്‍ കഴിയാതിരുന്നതെന്ന് അഭ്യൂഹങ്ങള്‍ പ്രചരിച്ചിരുന്നു. അസുഖം കാരണം ഏറ്റവും പുതിയ റിലീസ് ആയ അംഗ്രേസി മീഡിയത്തിന്‍റെ പ്രമോഷന്‍ ചടങ്ങുകളിലും ഇര്ഫാന് പങ്കെടുത്തിരുന്നില്ല.